Kɛwɔlɛnu 21:13 - ALLALA KUMƐ

¹³ Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 21:13 ပူးပေါင်းရင်းမြစ်များ

1 Ko-Kɔrɔta-Karan 11:18

Kɛlɛ-kurugba sawɛ kɛ min tara Dawuda taran nyɔ, wonu ya anu taya ha anu tenbira Filisitinu tɛma. Anu tara yi bi kɔlɔn wo rɔ Bɛtalehɛm tarɛ dafɛ. Anu sɛgira yi wo la anu bolo Dawuda wara. Kɔnɔ Dawuda ma sɔn yi wo minna fɔ ka yi-kimɛ wo labɔn Mari ye.

Aiseya 3:15

Sereya sa wo bolo ka bui nna mɔgɛnu ma ka bolo-kolɔnnuna bolo-fannu bi anu bolo.” Ale wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 40:1

Anu bi tala mabɛ Yerusalɛm anubɛ Yuda kɛ toenu na Babilɔn tumɛ min, mansɛla kɛlɛ-den-kunyɛ Nɛbusaradan ya yɔlɔkɛ kɛnɛ yen n ma mɔgɛ kɛnu tɛma. A ya nde boloka Rema soe burɔ, Mari kumara n ye kan min.

Isikiyɛli 18:2

“Mɔgɛnu bi belenna hɛnkilimaya-kumɛ fɔla Isirɛla kan-tinɛ bɛɛ rɔ ko, ‘Ni fa ya kɔn-gbɔ-magbɛngbɛnɛ do dɔn, ala dan ni a yakɔrɛ matɔrɔmɔnya wola ko la.’ Nfenna ko la, mɔgɛnu bi belenna kɛ fɔla?

Yona 1:6

Kulun-kun-tigi ya a sanɛ taran. A ya a lakunden ka a fɔ a ye ko, “I ye kinɔgɔla kama kɛ la? I lasɔ, i ni ita bɛsɛ madiya fɔ a si ma dɛnbɛ. Tumado, a si kinikini ma ma. A si a ma, ma ti faga.”

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:37

Anu dama dira ka Pɔli ramɔnsɔn ka a sunbu.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

1 Kɔrɛnti 15:31

N na-kelen-nyɔgɛnu, tele-wo-tele, n bi saya-masibɛ kɔrɔ, ado n wasinɛ wole Kɔrɛnti kɛnu na ka a tɛgɛ ma Mari Yisa, Allata-Mɔgɔ-Yabɔnɛ ara min ma wo ye.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 2:26

A sɔgɛ ye a la ka wo dama yen, ado a yisi sani ma bawo wo ara a lamɔɛn ko a kirayara.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

2 Timoti 1:4

N bi n mirila i ya-yi-layigi ma, wo le ya a to, i yen-sɔgɛ ye n na bɛrɛkɛ, ado wo le si a diyɛ don n tɔ.

2 Timoti 4:6

Kɔnɔ nde, nta tumɛ ara ke. N bara ma iko sarakɛ. N bɔ-tumɛ ara ke duninya rɔ.

2 Pita 1:14

N ya a lɔn ko a ti mɛ tun, n si bɔ n fɛrɛ-bɔnku-tulitɛ kɛ rɔ iko ma Mari Yisa, Allata-Mɔgɔ-Yabɔnɛ ara a fɔ n ye nya min ka a gbɛ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

1 Samuwɛli 1:8

Ala kei Ɛlakena si a manyinika ko, “Nfenna i ye dila? Nfenna i sa fen dɔnna? Nfen bi i yisi magboyala? Nde ma tenbi i ye den-kemini mɔgɔ tan na, wa?”

1 Samuwɛli 15:14

Samuwɛli ya a manyinika ko, “Nfenna ninki kɛnu anubɛ sagɛ kɛnu kannu bi bɔla yan?”