Kɛwɔlɛnu 21:11 - ALLALA KUMƐ

¹¹ A ya Pɔlila butɛ-kiri-fan bi ka a nyɛrɛ kiannu anubɛ a bolenu kiri wo la. A ko, “Allata Ni-Sɛnimɛ le ya a fɔ n ye ko Yahudiyanuna kun-tigi donu si butɛ-kiri-fan kɛ tigi kiri ka le. Anu si wo ma Yerusalɛm soe burɔ ka a don sibolo-gbɛrɛnu bolo.”

Kɛwɔlɛnu 21:11 ပူးပေါင်းရင်းမြစ်များ

1 Mansɛnu 22:11

Nɛbi do ye kɛnu tɛma, Kɛnayanala den Nɛbi Sɛdɛkaya, kɔni. Wo ya nɛgɛ donu bi ka anu nadan iko ninki-kere. A ya a fɔ Mansa Ehabu ye ko, “Mari ko i si Siriyanu fasafasan kɛlɛ rɔ iko ninki-tura-feremɛ si mɔgɛ fasafasan nya min. Wo le si a ma, i ni anu nɔ.”

Aiseya 20:2

San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

Yɛrɛmaya 19:1

Mari ya a fɔ n ye ko n ni ta bɔnku-dagɛ do san daga-sɔlɛ ma. Wo kɔma, a ko n ni tenbi Yerusalɛm soe don-dɛ rɔ min tɔgɛ Bɔnku-Daga-Gbɛnkian ka ta Bɛn-Hinɔm lɛɛ rɔ. A ko n ni ta wola kun-tigi donu na nyɔ anubɛ saraka-masɔla-kun-tigi donu. A ko n ba ke nyɔ, n ni a fɔ wo ye ko

Hoseya 12:10

“N kumara nɛbinu ye nun ka ko-rayirɛ kɛ anu ye. N ya wole nta mɔgɛnu makawandili-kumɛnu don nɛbinu kara tɔ.

Yɔni 18:1

Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

Kɛwɔlɛnu 13:2

Anu bi sunyɛ rɔ tumɛ min Mari bato tinɛ, Allata Ni-Sɛnimɛ ya a fɔ anu ye ko, “Wo ni Banabasi anubɛ Sɔli yabɔ n ye. N bara anu kele wɔlɛ min ma, anu ni wo kɛ.”

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 20:23

N ba ta soe bɛɛ rɔ, Allata Ni-Sɛnimɛ ye n nalɔnna ko yelela-don anubɛ tɔrɔyɛ ye n makɔnɔna Yerusalɛm.

Kɛwɔlɛnu 21:33

Kun-tigi-ba wo tara Pɔli bira tinɛ. A ya a fɔ ala kɛlɛ-dannu ye ko anu ni a kiri yɔlɔkɔ fila la. Wo kɔma, a ya nyinikalɛ kɛ ko, “Yon bi kɛ la? A ya nfen tinya?”

Kɛwɔlɛnu 21:4

Ma tara dɛnkɛninya-mɔgɛnu nyini tinɛ nyɔ ka lɔgɔkun kelen kɛ wonu fɛ. Anu ya a fɔ Pɔli ye Allata Ni-Sɛnimɛ baraka rɔ ko a kana ta Yerusalɛm.

Kɛwɔlɛnu 22:25

Kɔnɔ anu ya a kiri tumɛ min a gbesi-koe la, Pɔli ya a fɔ a dafɛ-kun-tigi ye ko, “Romu tɔn rɔ, a bɛnta ile ni nde, Romu kɛ gbesi min yilikini ma, wa?”

Kɛwɔlɛnu 24:27

San fila kɔma, Porisiyasi Fɛsitasi sigira sigisɔn-mansayɛ la Mansa Filikisi gbɛ rɔ. Kɔnɔ Mansa Filikisi ye a fɛ nun ka Yahudiyanu diyana-koe kɛ, woletɔ a ya Pɔli to yele la.

Kɛwɔlɛnu 26:29

Pɔli ya a yabi ko, “Ni a mara wati-kundu-nɛ la wo, ni a mɛra wo, n bi Alla matarala ko wobɛ min bɛɛ wɔlɔ matɔlɔnɛ n na bi, wo ni ma iko nde ye nya min kɔnɔ anu kana yɔlɔkɛ kɛ wo ma!”

Kɛwɔlɛnu 28:17

Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

Kɛwɔlɛnu 28:20

wo le ya a to, n ya madiyali kɛ ko n ni wo yen ka kuma wo la. Male Isirɛla mɔgɛnu yigi sanɛ min kuma, yɔlɔkɛ kɛnu bi n ma wo lela ko la.”

Kɛwɔlɛnu 28:25

Woletɔ anu wulita bɔla kelen-kelenyɛ ma bawo anu sa kan kelen tɔ. Pɔli ya a fɔ ko, “Allata Ni-Sɛnimɛ ya tonyɛ fɔ ma benbanu ye Nɛbi Aiseya baraka rɔ.

Kɛwɔlɛnu 8:29

Allata Ni-Sɛnimɛ ya a fɔ Filipi ye ko, “Ta i madon ala kirindi la.”

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

Hiburunu 3:7

Iko Allata Ni-Sɛnimɛ ya a fɔ nya min, a ko, “Ni wo ya nna kuman-kan lamɔɛn bi,

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.