Kɛwɔlɛnu 20:7 - ALLALA KUMƐ

⁷ Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 20:7 ပူးပေါင်းရင်းမြစ်များ

Nihɛmaya 8:3

Ka a bi sɔgɔmɛ ma ha tele latelan, Ɛsira ye a rakaranna anu ye nyɔ. Anu dama ya anu tole masɔ a kin na!

Nihɛmaya 9:3

Hawa sawa, Lifayinu bi anuta Mari Allata tɔn-buku karanna anu ye. A nyɔgɔn hawa sawa fanan, Isirɛla mɔgɛnu bi anu sɔla anu hakɛ la ka anuta Mari Alla bato.

Maraka 16:9

Yisa wulita tumɛ min ka bɔ furinu tɛma Lɛhɛrɛ sɔgɔma, a bɔra gbɛ rɔ Mariyama Magadala kɛ fɔlɔn ye, a ya nyina wɔrɔnfilɛ gben min fɛ, kɔni.

Luka 22:19

Wo kɔma, a ya biredi bi ka baraka bira Alla ye. A ya a rakerikeri ka a di anu ma. A ko, “N fɛrɛ-bɔnkɛ le kɛ la n bara min ni wola ko la. Wo ni kɛ ma alako wo hɛnkili si to n ko nya min.”

Luka 24:35

Min mara kilɛ la, mɔgɔ filɛ wonu ya wo rakaran anu ye. A ya biredi rakerikeri tumɛ min, anu ya a lɔn kelenna ko Mari le. Anu ya wo bɛɛ rakaran anu ye.

Yɔni 20:1

Nba, Lɛhɛrɛ subaga-dɛ ma, Mariyama Magadala kɛ tara kanbɛ dɛ la. Anu ya kanbɛ da-latogon kuri min na, a ya wo bɔnɛ taran kanbɛ dɛ la.

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Kɛwɔlɛnu 16:10

Pɔli ya ko-rayirɛ wo yen nya min wo, ma ya ma rabɛn ka ta Masidoniya bawo ma lara a la ko Alla le ya ma kele kibara-nyimɛ kawandili bɔ tinɛ nyɔ-mɔgɛnu ye.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 20:11

Wo kɔma, a sɛgira san-bɔn la tun Marita kima dɔn tinɛ. Pɔli mɛra kumala anu na ha banda-ka-dɛ ma. Wo kɔma, a tara.

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Kɛwɔlɛnu 20:5

Wonu tara ma yarɔ ka ma makɔni Taroyasi soe burɔ.

Kɛwɔlɛnu 20:9

Keminɛ min tɔgɛ Yutikasi, wo siginɛ wundan la nun. Pɔli ye kumala tumɛ min, kinɔgɛ ya ale keminɛ wo yɛ bira kati! Tɔ-a-la, kinɔgɛ tenbira a ma peru! A bɔra san-bon sawa nyɔgɛ la ka bui dugi ma fugbu! Anu bi tala a bila tumɛ min, anu ya a taran, a ara faga!

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

1 Kɔrɛnti 10:16

Ma tenbi Marita kima dɔnna chɔchi la, ma si baraka bira Alla ye. Ma wa ma min yi-lafɛ wo la tumɛ min, ma ye ta-nyɔgɔnyɛ le kɛla Kirasiti yele le tɔ wo la. Ma si biredi min takeri fanan, ma wa biredi wo dɔn tumɛ min, ma ye ta-nyɔgɔnyɛ kɛla Kirasiti fɛrɛ-bɔnkɛ le tɔ wo la.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 16:2

Lɔgɔkunyɛ a tele-fɔlɔtɛ, wo kelen-kelennamɛ-bɛɛ ni fan do lamara a dan na iko a ye a sɔrɔnna nya min. Woletɔ n ba na tumɛ min, hali wo ma gbɛsɛ-gbɛsɛ ladɛn tun.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.