Kɛwɔlɛnu 20:6 - ALLALA KUMƐ

⁶ Biredi-Yɛlɛbɛlɛ-Dɔn-Ladɛn banta tumɛ min, ma donta kulɔn rɔ ka bɔ Filipai soe burɔ. Tele loli kɔma, ma ya anu taran Taroyasi. Ma ya lɔgɔkun kelen bɔ nyɔ.

Kɛwɔlɛnu 20:6 ပူးပေါင်းရင်းမြစ်များ

Bɔ-Koe-Iyipiti 23:15

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ wo wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la. “Wo ni Dɔn-Fen-Kun-Fɔlɛ-Ladɛn fanan kɛ, sɛnita-fen fɔlɔtɛ tɛgɛ-wati. Wo wa ban wola ki-fannu kerila wati min, wo ni Lele-Sɔɛ-Ladɛn kɛ. “Mɔgɔ-wo-mɔgɔ bolo lakolɔn kana na ladɛn kɛnu kuma.

Bɔ-Koe-Iyipiti 34:18

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ a wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la.

Kɛwɔlɛnu 12:3

ado Hɛrodi ya a yen tumɛ min ko Yahudiyanu diyana-koe le wo la, a ma dan wo ma. A ya Pita fanan bira. (Wo kɛra Biredi-Yɛlɛbɛlɛ-Dɔn-Ladɛn wati rɔ.)

Kɛwɔlɛnu 16:10

Pɔli ya ko-rayirɛ wo yen nya min wo, ma ya ma rabɛn ka ta Masidoniya bawo ma lara a la ko Alla le ya ma kele kibara-nyimɛ kawandili bɔ tinɛ nyɔ-mɔgɛnu ye.

Kɛwɔlɛnu 16:12

Ma bɔra nyɔ ka ta Filipai so-karantan burɔ min bi Masidoniya nyamanɛ rɔ. Romu kɛnu denu ya soe wo datɛgɛ fɔlɔ-nun. Ma ya tele-dande bɔ Filipai soe wo burɔ.

Kɛwɔlɛnu 16:8

Woletɔ anu ya Misiya nyamanɛ masangba ka ta soe do burɔ min tɔgɛ Taroyasi.

Kɛwɔlɛnu 20:16

Pɔli ara a latɛgɛ ko a ni tenbi Ɛfɛsa soe la alako a kana wati matanba Esiya nyamanɛ rɔ. A ye a lakaliyala nun ko a ni Pɛntikɔsi tele kɛ Yerusalɛm soe burɔ.

Kɛwɔlɛnu 20:5

Wonu tara ma yarɔ ka ma makɔni Taroyasi soe burɔ.

Kɛwɔlɛnu 21:4

Ma tara dɛnkɛninya-mɔgɛnu nyini tinɛ nyɔ ka lɔgɔkun kelen kɛ wonu fɛ. Anu ya a fɔ Pɔli ye Allata Ni-Sɛnimɛ baraka rɔ ko a kana ta Yerusalɛm.

Kɛwɔlɛnu 21:8

Wo banda kɛ, ma bɔra nyɔ ka ke Sɛsariya soe burɔ. Kawandili-bɔlɛ min tɔgɛ Filipi, ma tara don wo warɛ ko ma ni to ale fɛ. Mɔgɔ wɔrɔnfilɛ minnu bi Marita kilayɛnu dɛnbɛna, wo kelen de Filipi kɛ la.

Kɛwɔlɛnu 28:14

Ma ya Marita mɔgɛ donu taran nyɔ. Wonu ya ma madiya ko ma ni lɔgɔkun kelen kɛ anu fɛ. Wo kɔma, ma bɔra nyɔ ka ta Romu.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

2 Timoti 4:13

I tenbi nala, n ya nna duruki min to Kapasi bolo Taroyasi soe burɔ, na wo la i bolo. I ni na nna bukunu fanan na, katarala sɛbɛli kɛnɛ gbole min ma.