Kɛwɔlɛnu 20:35 - ALLALA KUMƐ

³⁵ Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Kɛwɔlɛnu 20:35 ပူးပေါင်းရင်းမြစ်များ

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Aiseya 32:8

Kɔnɔ gbiliya-mɔgɛ si ko-telennɛ ladan. A si a sɔ gben, ko-telennɛla ko la.

Aiseya 35:3

Bole anubɛ kunbelan minnu takunnɛ, i ni wonu tagbɛlɛya tun.

Matiyu 10:8

Wo ni kirayatoenu nakɛndɛya ka furinu nawuli. Wo ni kunatoenu nakɛndɛya ka nyinɛnu fanan gben. N bara sɛnbɛ wo di wo ma. Wo ma a sɔnkɔ bɔ, wo don ka a sɔnkɔ makele.

Kɛwɔlɛnu 20:20

Koe min bɛɛ si ma wo dɛnbɛn-koe la, n ma wo beli wo fenfen na iko wo ya a lɔn nya min. N ya kawandili bɔ ka wo karan gbɛ rɔ anubɛ wola bɔnnu na.

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Kɛwɔlɛnu 20:34

Wo nyɛrɛ ya a lɔn ko n bole kɛnu bara wɔlɛ kɛ n ye. N ya n nyɛrɛ makoe bɛɛ nyinya anubɛ n fɛ-mɔgɛnutɛ.

Kɛwɔlɛnu 20:36

Pɔli banta kumala tumɛ min, a ya a nyɛnkin anu dama fɛ ka Alla matara.

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

1 Kɔrɛnti 9:12

Ni yoe ye donu bolo ka anutɛ sɔrɔn wo kuma, male don? Yo sa male bolo min kolo wonutɛ ko, wa? Kɔnɔ male ma yoe wo fenfen bira. Ma ya ma munyu koe bɛɛ kɔrɔ alako bɛɛ si Kirasitita kibara-nyimɛ lamɔɛn nya min.

2 Kɔrɛnti 11:12

N bi min ma tinɛ kaka, n si to wo kɛla bawo foninya-kilaya-makawanɛ doi wonu kana nyɛrɛ-matɔgɔ-kunya sɔrɔn ka a fɔ ko male ye wɔlila nya min, anu fanan bi wɔlila wo nya na le.

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 12:13

Nba, n ya wo bira boloko-yogomɛ-kɛ ka tenbi chɔchi donu na nun kama? Fɔ n ma wo yakɔrɔ-mamɔ min kɛ wodi-ko-dɛnbɛnɛ la dɔrɔn. Wo yandi, wo ni n makoto hakɛ wo la!

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Tɛsalonaika 4:11

Wo ni wo raya alako yisi-kimɛ ni to wo tɛma. Wo ni wo nyɛrɛta wɔlɛ kɛ ka wo nyɛrɛ beli-fan sɔrɔn iko ma ya a fɔ wo ye nya min nun.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 13:3

Wo ni wo hɛnkili to yelela-mɔgɛnu ko iko wo ye anu fɛ yele le la. Wo ni wo hɛnkili to mɔgɔ-tɔrɔnɛnu ko. A ni ma iko wole fanan tɔrɔnɛ anu fɛ le.

3 Yɔni 1:7

bawo anu wulita anuna tagama rɔ tumɛ min Kirasiti tɔgɔ rɔ, anu hɛnkili sa dɛnbɛni-ko ma wo bolo, ado anu ma fenfen bɔ dɛnkɛninyabɛlɛnu bolo.