Kɛwɔlɛnu 20:31 - ALLALA KUMƐ

³¹ Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Kɛwɔlɛnu 20:31 ပူးပေါင်းရင်းမြစ်များ

Isikiyɛli 3:21

Ni i don ya a makawandi, a ni fara a sɔn-yogomɛ wo la, a ni a tole masɔ i la, ka fara ko-yogoma-kɛ la, a ti faga, ado n bolo sa i la wo rɔ.”

Matiyu 13:25

Suyi kelen tɔ, bɛɛ ye kinɔgɛ rɔ tumɛ min, a yoge nara ka bin-kole fui ala sɛnɛ rɔ. A tara a ye.

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

Kɛwɔlɛnu 20:11

Wo kɔma, a sɛgira san-bɔn la tun Marita kima dɔn tinɛ. Pɔli mɛra kumala anu na ha banda-ka-dɛ ma. Wo kɔma, a tara.

Kɛwɔlɛnu 20:19

Yahudiya donu ya dunbɛ rasa n ma ka a lagbɛlɛya n kuma ha n ya-yi bɔra kɔnɔ n ya nna wɔlɛ bɛɛ kɛ Mari ye famayigi rɔ.

Kɛwɔlɛnu 20:7

Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 24:17

“San donu kɔrɔ n sa Yerusalɛm soe burɔ min kɛ, n tara wodi la nna mɔgɔ bolo-kolɔnnu ye nyɔ anubɛ ka sarakɛnu bɔ.

1 Kɔrɛnti 4:14

N bara min sɛbɛ wo ma kɛ la, n ma a sɛbɛ alako ka wo lamiliya kɔnɔ ka wo makawandi iko n diyana-dannu,

Filipai 3:18

N bara kɛ fɔ wo ye fɔlɔ-nun ko siyaman, ado kaka, n bi a fɔla tun, n ya-yi ye bɔla. Mɔgɔ siyaman bi nyɔ minnu bi anu tayala ka Kirasiti faga-ko-kɔrɛ tinya.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

2 Tɛsalonaika 2:5

N bi wo fɛ tumɛ min nun, n ya kɛ bɛɛ rakaran wo ye. Wo hɛnkili ma to wo ko, wa?

2 Tɛsalonaika 3:8

Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)