Kɛwɔlɛnu 20:24 - ALLALA KUMƐ

²⁴ Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:24 ပူးပေါင်းရင်းမြစ်များ

1 Ko-Kɔrɔta-Karan 11:18

Kɛlɛ-kurugba sawɛ kɛ min tara Dawuda taran nyɔ, wonu ya anu taya ha anu tenbira Filisitinu tɛma. Anu tara yi bi kɔlɔn wo rɔ Bɛtalehɛm tarɛ dafɛ. Anu sɛgira yi wo la anu bolo Dawuda wara. Kɔnɔ Dawuda ma sɔn yi wo minna fɔ ka yi-kimɛ wo labɔn Mari ye.

Luka 16:28

N na-kelen-nyɔgɛ mɔgɔ loli ye nyɔ. A ni ta ka anu makawandi alako anu kana na tɔrɔya-su kɛ rɔ yan.’

Yɔni 15:27

Wole fanan si nna ko fɔ bawo wo taranta n fɛ kebi fɔlɔ.”

Yɔni 17:4

N bara ila gbiliyɛ lagbɛ duninya-mɔgɛnu ye, ado i ya wɔli min di n ma, n bara wo ban.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 13:25

Ata wɔlɛ ye nala banna tumɛ min, ale Yɔni ya mɔgɛnu manyinika. A ko, ‘Wo miriya ko yon bi nde la? Wo ye kisilɛ min makɔnɔna, wo ma nde la de! Wo ye nala n kɔma, ado hali ka wola sanbarɛ fulen a kian rɔ, nde ma bɛn ka wo ma.’

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Kɛwɔlɛnu 15:7

Anu mɛra sɔsɔli siyaman sala. Tɔ-a-la, Pita ya a lasɔ. A ko, “N na-kelen-nyɔgɛnu, wo ya a lɔn ko Alla ara nde yabɔ wo tɛma kebi fɔlɔ ka Yisata kibara-nyima-kawandili bɔ sibolo-gbɛrɛnu ye alako anu fanan ni a lamɔɛn ka dɛnkɛninya.

Kɛwɔlɛnu 18:5

Sailasi anubɛ Timoti kera nyɔ tumɛ min ka bɔ Masidoniya nyamanɛ rɔ, Pɔli tora kawandili bɔla Yahudiyanu ye wati bɛɛ. A ye sereyɛ bɔla anu ye ko Yisa, Allata-Mɔgɔ-Yabɔnɛ le.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 20:23

N ba ta soe bɛɛ rɔ, Allata Ni-Sɛnimɛ ye n nalɔnna ko yelela-don anubɛ tɔrɔyɛ ye n makɔnɔna Yerusalɛm.

Kɛwɔlɛnu 20:32

“Nba kaka, n bara wo dantɛgɛ Alla ma. Wo yili ni to ala hina-kumɛ ko min si ke wo sɛnbɛ donna ka ata duwɛ di wo ma, ado a ara duwɛ wo lamara ala mɔgɛ bɛɛ ye.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 22:21

Kɔnɔ Mari ya a fɔ n ye ko n ni ta bawo a si n nata kan-tina-yanrɔ-sibolo-gbɛrɛnu ma.”

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Romu 4:4

Mɔgɛ min bara wɔlɛ kɛ, wo si a sarɛ sɔrɔn. Ale ti ala sarɛ wo yen iko di-ma-le. A si a yen iko a sarɛ.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 4:12

Ma ye ma niyi filila tuma-wo-tuma alako wo ni habadan-nimayɛ sɔrɔn.

2 Kɔrɛnti 5:8

Ma hɛnkili latɛgɛnɛ. A di ma ye bɛrɛkɛ ka bɔ ma fɛrɛ-bɔnkɛ kɛ rɔ ka ta ma sigi Mari fɛ.

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

Kalesiya 1:1

Nde, Pɔli le ye kɛdi kɛ sɛbɛla, ado mɔgɔ ma n sɔ wɔlɛ kɛ la. Mɔgɔ ma n ma kilayɛ la fɔ Yisa Kirasiti anubɛ ma Fa Alla min ya Yisa lawuli ka bɔ furinu tɛma.

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 3:13

Woletɔ n bi wo madiyala ko n bi tɔrɔyɛ min kɛla wola ko la, wo kana a ma, wo yisi ni tinya bawo wota tɔnɛ le tɔrɔyɛ wo bɛɛ la.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

1 Tɛsalonaika 3:3

Ma ya wo ma alako wo fenfen kana sɛgi wo kɔma tun nyagbɛ kɛnuna ko la. Wole nyɛrɛ ya a lɔn ko fɔ ma ni nyagbɛ kɛnu tayen iko Alla sako ye nya min.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Taita 1:3

A wati bɛnnɛ rɔ, Alla ya sarakanɛ kɛ labɔ gbɛ rɔ ma ye ata kumɛ rɔ. Alla ya wɔlɛ wo kerifa nde la iko ale, ma kisilɛ Alla ya a fɔ n ye nya min. A ko n ni a lake mɔgɛnu ma.

Taita 2:11

Alla ara ala hinɛ yira mɔgɛ bɛɛ la alako anu si kisi nya min.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

1 Yɔni 3:16

Ma ya keninteya-bɛrɛ lɔn kɛ le fɛ ko Kirasiti ya a niyi ni malela ko la. Male fanan ni ma niyi ni ma na-kelen-nyɔgɛnuna ko la.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.