Kɛwɔlɛnu 2:46 - ALLALA KUMƐ

⁴⁶ Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 2:46 ပူးပေါင်းရင်းမြစ်များ

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Matiyu 6:22

“Mɔgɔ yɛ mani de a fɛrɛ-bɔnkɛ ye iko lɛnpu-lamalannɛ. Ni mɔgɛ yɛ kɛndɛ, a fɛrɛ-bɔnkɛ bɛɛ si to waan rɔ.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 24:30

A sigira anu fɛ tebulu la. A ya biredi bi ka baraka bira Alla ye. Wo kɔma, a ya biredi rakerikeri ka a di anu ma.

Luka 24:53

Anu tora Alla-Bato-Bɔn la tumɛ bɛɛ baraka birala Alla ye.

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 20:7

Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

Kɛwɔlɛnu 5:21

Kilayɛ wonu sɔnta. Banda-ka-dɛ ma, anu donta Alla-Bato-Bɔn la ka mɔgɛnu-karan dabira. Saraka-masɔla-kun-tigi-wɛ anubɛ a ta-nyɔgɛnu ya Yahudiya mɔgɔ-banu kele anuta ladɛn kuma. Wo kɔma, anu ya sarakanɛ lata yele-kandannɛ ma ko a ni kilayɛ wonu nana anu ma.

Kɛwɔlɛnu 5:42

Anu tora mɔgɛnu karanna ka Yisa, Allata-Mɔgɔ-Yabɔnɛla kibara-nyimɛ lake Alla-Bato-Bɔn la anubɛ mɔgɛnu barɛnu tɔ tele-wo-tele.

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

1 Kɔrɛnti 10:16

Ma tenbi Marita kima dɔnna chɔchi la, ma si baraka bira Alla ye. Ma wa ma min yi-lafɛ wo la tumɛ min, ma ye ta-nyɔgɔnyɛ le kɛla Kirasiti yele le tɔ wo la. Ma si biredi min takeri fanan, ma wa biredi wo dɔn tumɛ min, ma ye ta-nyɔgɔnyɛ kɛla Kirasiti fɛrɛ-bɔnkɛ le tɔ wo la.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

Ɛfɛsa 6:5

Wole yɔɔnnu, wo ni wo tiginuna kumɛ bira kilan anubɛ yɛrɛyɛran rɔ. Wo ni wola wɔlɛ kɛ wo yisi bɛɛ la iko wo ye a kɛla Kirasiti ye nya min.

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Kɔlɔsi 3:22

Wole yɔɔnnu, wo ni wo tiginuna kumɛ bira koe bɛɛ rɔ. Wo ni wola wɔlɛ kɛ, hali anu ya sa wo la. Wo ni anu hɛnɛ wo yisi bɛɛ la alako Mari ni gbiliyɛ sɔrɔn wo bolo.