Kɛwɔlɛnu 2:45 - ALLALA KUMƐ

⁴⁵ Anu ya anuna duginu anubɛ anuna bolo-fannu feri ka wodi wo rafara anu dama tɛma iko anu kelen-kelennamɛ-bɛɛ makoe ye nya min.

Kɛwɔlɛnu 2:45 ပူးပေါင်းရင်းမြစ်များ

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Matiyu 19:21

Yisa ya a fɔ a ye ko, “Ni i ye a fɛ, i ni kanbali, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 16:9

Yisa ya a fɔ ko, “N bi a fɔla wo ye, wo ni wo diyana-mɔgɛnu nyini wo nyɛrɛ ye duninya-nɔnfuli rɔ, woletɔ ila nɔnfuli wa ban tumɛ min, Alla si wo rabira a warɛ Arinyɛni tɔ!

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Kɛwɔlɛnu 11:29

Yisata mɔgɛnu ya a latɛgɛ ko anu kelen-kelennamɛ-bɛɛ wa ke anu bolo-fan fenfen sɔrɔnna, anu ni wo lata anu na-kelen-nyɔgɛnu ma minnu siginɛ Yudiya nyamanɛ rɔ anu dɛnbɛn-koe la.

Kɛwɔlɛnu 4:34

Mɔgɔ-wo-mɔgɔ sa dɛnkɛninya-mɔgɛnu tɛma nun, fan dasara minnu bolo. Dugi anubɛ bɔnnu taranta minnu bolo anu tɛma, wonu ya wo bɛɛ feri. Anu ya wodi min sɔrɔn wonu tɔ, anu nara wonu na

Kɛwɔlɛnu 4:35

ka a don Yisata kilayɛnu bolo. Anu ya wodi wo rafara anu nyɔgɔn tɛma iko mɔgɛ bɛɛ makoe ye a la nya min.

2 Kɔrɛnti 9:1

Nba, hali n ma kɛdi sɛbɛ wo ma ka a tɛgɛ Allala mɔgɛnu dɛnbɛn-koe ma Yudiya nyamanɛ rɔ.

2 Kɔrɛnti 9:9

Iko a sɛbɛnɛ Allala kitabu rɔ nya min ko, “Min si fan di bolo-kolɔnnu ma foninsereyɛ la, ala nyimayɛ si to tolon!”

1 Yɔni 3:17

Ni nɔnfuli ye mɔgɛ do bolo, a ni a yen ko a na-kelen-nyɔgɛ makoe ye fan do la kɔnɔ a ma kinikini a ma, wo si a fɔ kama ko Allala keninteyɛ ye a yisi rɔ?