Kɛwɔlɛnu 2:42 - ALLALA KUMƐ

⁴² Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 2:42 ပူးပေါင်းရင်းမြစ်များ

Luka 24:30

A sigira anu fɛ tebulu la. A ya biredi bi ka baraka bira Alla ye. Wo kɔma, a ya biredi rakerikeri ka a di anu ma.

Luka 24:35

Min mara kilɛ la, mɔgɔ filɛ wonu ya wo rakaran anu ye. A ya biredi rakerikeri tumɛ min, anu ya a lɔn kelenna ko Mari le. Anu ya wo bɛɛ rakaran anu ye.

Kɛwɔlɛnu 1:14

Anu dama tora tala anu nyɔgɔn fɛ ladɛn wo rɔ ka to Alla madiyala. Musi donu kofunɛ anu ma, anubɛ Yisa na Mariyama, anubɛ Yisa dɔgɔ-keminɛnu.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 20:11

Wo kɔma, a sɛgira san-bɔn la tun Marita kima dɔn tinɛ. Pɔli mɛra kumala anu na ha banda-ka-dɛ ma. Wo kɔma, a tara.

Kɛwɔlɛnu 20:7

Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 4:23

Pita anubɛ Yɔni bolokara nya min wo, anu sɛgira anu diyana-mɔgɛnu bara. Saraka-masɔla-wɛnubɛ mɔgɔ-banu ya min fɔ, anu ya wo fɔ wonu ye.

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 6:4

Nba, male nyɛrɛ si ke mala wati bɛɛ kɛla Alla-matarɛ anubɛ kawandili-bɔɛ la worɔ.”

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

1 Kɔrɛnti 14:6

N na-kelen-nyɔgɛnu, ni n nara wo wara ka kuma kan-gbɛrɛ rɔ, wo si nfen nyinya wo ma? Ni n ma koe do lankɛnɛmaya wo ye ka bɔ Alla bolo, ni n ma lɔnnɛ do di wo ma, ni n ma wɔlɔyiya-kumɛ fɔ wo ye, ni n ma karan do di wo ma, n ti ko-wo-ko nyinya wo ma.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Filipai 1:5

bawo wo ara n dɛnbɛ kibara-nyimɛ lakela kebi fɔlɔ ha kaka.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

2 Timoti 3:14

Kɔnɔ ile karanta tonyɛ minnu na, i dɛnkɛninyanɛ minnu ma, kɔni, i ni to wonu tɔ, ado i ya i karan-mɔgɛnu lɔn.

Hiburunu 10:25

Ma kana fara ma nyɔgɔn nadɛnna. Ma kana ma iko minnu ti ta ladɛn rɔ. Ma ni ma nyɔgɔn makawandi bɛrɛkɛ, ado bawo Mari na tele ara gbɛrɛn, a fisa, ma ni to ladɛn kɛla dɛɛ!

Hiburunu 10:39

Kɔnɔ wo mɔgɔ ma male la min si sɛgi a kɔma ka halaki. Mala dɛnkɛninyɛ le ye a yirala ko ma kisinɛ.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.