Kɛwɔlɛnu 2:29 - ALLALA KUMƐ

²⁹ “N na-kelen-nyɔgɛnu, fɔ n ni ma benba Dawudala koe fɔ wo ye ka a gbɛ. A fagara. Anu ya a togon, ado ha bi, a kanbɛ ye ma fɛ yan.

Kɛwɔlɛnu 2:29 ပူးပေါင်းရင်းမြစ်များ

1 Mansɛnu 2:10

Wo kɔma, Mansa Dawuda ya so-sɛgi-kɛ. Anu ya a togon a halala-luyi ma Yerusalɛm soe burɔ.

Nihɛmaya 3:16

Asibukila den Nihɛmaya min bi Bɛti-Suri tɛngbɛnya do kun na, wo le ya a bi nyɔ ka ta tarɛ sɔla ha Mansa Dawudata kaburu-soe telen tɔ anubɛ nyɔ-yi-sigi tinɛ-a-rɔ anubɛ kɛlɛ-dannuta bɔn ye kan min.

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Kɛwɔlɛnu 2:28

I wara habadan-niyi-kilɛnu yira n na, ado i si n nafa sewɛ la i yakɔrɔ.’

Kɛwɔlɛnu 22:5

Saraka-masɔla-kun-tigi-wɛ anubɛ anuna mɔgɔ-ba dama si ke wo sereyɛ bɔla ko n bi tonyɛ le fɔ tinɛ wo la. Anu denu ya kɛdinu di n ma minnu sɛbɛnɛ ma na-kelen-nyɔgɔ Yahudiyanu ma Damasika soe burɔ alako n ni ta mɔgɛ wonu bira tinɛ nyɔ nun. N tara alako n si anu kiri yɔlɔkɛnu na nya min ka sɛgi anu na Yerusalɛm anu tɔrɔ tinɛ.

Kɛwɔlɛnu 26:26

ado ale Mansa Agaripa ya koe kɛnu lɔn serr! Woletɔ n si ke kumala i ye yisi-latɛgɛ rɔ. N lanɛ a la ko i wara koe kɛnu lɔn bɛrɛkɛ, bawo koe kɛnu ma kɛ dogɔn tɔ.”

Hiburunu 7:4

Wo ni wo miri Mansa Mɛlikisidakila gbiliya-makawanɛ ma, a ye nya min! Ma benba Iburayima ya fan min bɛɛ sɔrɔn kɛlɛ rɔ, wo ya wo bɛɛ yaka di a ma.