Kɛwɔlɛnu 2:27 - ALLALA KUMƐ

²⁷ Yigi wo ye n bolo bawo n niyi ti to lakira. I ti sɔn nde, ila Wɔli-Kɛla-Sɛnimɛ ni tuli kanbɛ rɔ.

Kɛwɔlɛnu 2:27 ပူးပေါင်းရင်းမြစ်များ

Yaburi 116:3

N nafoonɛ saya-masibɛ la. Kilan minnu bi sayɛ fɛ, wonu mininɛ n ma. Kilan anubɛ kumakɔɛ ara tenbi n tɔ.

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 49:15

Kɔnɔ Alla le si n nakanan saya-masibɛ ma.

Yaburi 86:13

Ila keninteya-dannatɛgɛbɛlɛ kolo n ye. I wara n nakanan lakira-masibɛ ma.

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Yona 2:6

I ya n nayigi kɔgɔ-yi kɔrɔ ha kɛnkɛn dabira tinɛ. Yi kankanta n ma, a tora sɛ, a ni lakira-dɛ latogon n ma. Kɔnɔ ile Mari Alla ya n kɛndɛ labɔ dumɛ wo kuri la ka n nayɛlɛ.

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Luka 16:23

Ale nɔnfulu-tigi ye tɔrɔyɛ rɔ lakira. A ya a yɛ layɛlɛ ka Iburayima yen wulɛ la, ado Lasarasi ye ale Iburayima tɔgɔfɛ.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

Yɔni 11:39

Yisa ko, “Wo ni kuri bɔ a dɛ la!” Lasarasi min faganɛ, wo tirisan-musi, Marata ya a yabi ko, “Mari, kɔnɔ a tunu-sumɛ ye bɔla kɔrɛ! A togɔn ara tele nani bɔ!”

Kɛwɔlɛnu 2:26

N yisi la ara fa sewɛ la. Nta kumɛnu mara nyagalen-kumɛnu dɔrɔn na. Hali n mara hadama-dan la, n si n sulen yigi-nyimɛ rɔ serr!

Kɛwɔlɛnu 2:28

I wara habadan-niyi-kilɛnu yira n na, ado i si n nafa sewɛ la i yakɔrɔ.’

Kɛwɔlɛnu 2:31

Alla ye a fɛ ka min kɛ yarɔ, Mansa Dawuda ya wo yen. Woletɔ a ye Allata-Mɔgɔ-Yabɔnɛ lawuli-koe le fɔla nun. A ko a ti a to kanbɛ rɔ, a fɛrɛ-bɔnkɛ si tuli kan min.

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

1 Kɔrɛnti 15:55

“E, sayɛ, ila nɔlɛ ye mintɔ gbɛ? E, sayɛ, ila mɔgɔ-duma-sɛnbɛ ye mintɔ?”

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.