Kɛwɔlɛnu 2:23 - ALLALA KUMƐ

²³ Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 2:23 ပူးပေါင်းရင်းမြစ်များ

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Matiyu 20:19

Anu si n don sibolo-gbɛrɛnu bolo. Wonu si n mayɛlɛn ka n gbesi ka n gbangban kɔlɔma ma n si faga kan min. A tele sawa nyɔgɔn, Alla si n nawuli ka bɔ furinu tɛma.”

Matiyu 26:24

ado nde, Hadama-dan si faga iko a sɛbɛnɛ Allata kitabu rɔ nya min kɔnɔ gbalo-belebele ye mɔgɛ wo kuma, min si nde, Hadama-dan don n yogenu bolo tɔ! A fisa nun, hali mɔgɛ wo ma sɔrɔn nun!”

Matiyu 27:35

Anu ya a gbangban kɔlɔma ma. Wo kɔma, anu ya korɔn lakɛ ala durukinu tatala-koe ma anu nyɔgɔn tɛma.

Maraka 15:24

Wo kɔma, anu ya a gbangban kɔlɔma ma. Anu ya korɔn nakɛ ka ala durukinu tatala anu nyɔgɔn tɛma.

Luka 22:22

ado nde, Hadama-dan si faga iko Alla ara a latɛgɛ nya min kɔnɔ min si n don n yogenu bolo tɔ, gbalo ye wo mɔgɛ kuma!”

Luka 22:37

Bawo n bi kɛ fɔla wo ye, min sɛbɛnɛ Allata kitabu rɔ ndela ko la, a ko anu ya a kofu ko-yogoma-kɛlɛnu ma, ado fɔ wo ni na bɔ-a-la. Min sɛbɛnɛ ndela ko la, wo ye nala bɔla a la le.”

Luka 23:33

Kan tinɛ min tɔgɛ “Kun-kole,” anu kera nyɔ ma tumɛ min, anu ya Yisa gbangban kɔlɔma ma nyɔ anubɛ ko-yogoma-kɛla filɛ wonu, kelen a bolo-nyimɛ rɔ, kelen a bolo-maran rɔ.

Luka 24:20

Mala saraka-masɔla-wɛnu anubɛ nyɔ-kun-tiginu ya a don a yogenu bolo tɔ a faga-koe la. Anu ya a gbangban kɔlɔma ma.

Yɔni 19:18

Anu ya a gbangban kɔlɔma ma nyɔ. Anu ya mɔgɔ fila fanan gbangban a dafɛ, kelen a bolo-nyimɛ rɔ, kelen a bolo-maran rɔ. Yisa tora anu tɛma.

Yɔni 19:24

Kɛlɛ-dannu ya a fɔ anu nyɔgɔn ye ko, “Ma kana a rafara wona. Ma ni korɔn lakɛ ala ko la. A si to min ye, ma ni wo lɔn.” Wo mara le alako min sɛbɛnɛ Allata kitabu rɔ, wo ni bɔ-a-la bawo a sɛbɛnɛ ko, “Anu ya nna kurɛnu fara anu nyɔgɔn tɛma ka korɔn lakɛ nna duruku-kɔrɔ-donla ko la.” Kɛlɛ-dannu denu ya wo le ma.

Kɛwɔlɛnu 13:27

Yerusalɛm kɛnu anubɛ nyɔ-kun-tiginu, anu ma Yisa lɔn anu kisilɛ la. Hali nɛbinuna kumɛnu, anu bi minnu karanna Sulen-Tele bɛɛ ma, anu ma wonu nya-yen. Woletɔ anu ya Yisa yiliki min kɛ, wo ya a ma, nɛbinuna kumɛnu bɔra-a-la.

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Kɛwɔlɛnu 2:36

“Nba, wole Isirɛla mɔgɛ bɛɛ ni a lɔn serr, ko wo ya Yisa min gbangban kɔlɔma ma, Alla ara wo le ma Mari anubɛ ata Mɔgɔ-Yabɔnɛ la gbɛ!”

Kɛwɔlɛnu 3:18

Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”

Kɛwɔlɛnu 5:30

Wo ya Yisa le gbangban kɔlɔma ma ka a faga kɔnɔ ma benbanuta Alla le ya a lawuli ka bɔ furinu tɛma.

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

Romu 2:12

Alla ya tɔn-kitabu min di Nɛbi Musa ma, sibolo-gbɛrɛnu sa tɔn-kitabu wo kalama. Hali anu sa wo kalama, anu si halaki anu nyɛrɛta ko-yogomɛla ko la, ado Yahudiya minnu bi tɔn-kitabu wo kalama, wonu fanan bi ko-yogomɛ kɛla. Wo le ya a to, anu denu fanan bi halakila tɔn-tinyɛ wola ko la.

Romu 4:17

Iko a sɛbɛnɛ Allala kitabu rɔ nya min, Alla ya a fɔ Iburayima ye ko, “N bara i ma sibolo-siyaman benba la,” ado lanyiri wo kanbalita bawo Iburayima dɛnkɛninyara Alla ma. A lanɛ a la ko Alla si furinu nawuli, ado Allata kumɛ si a ma, fan minnu sa nyɔ nun, wonu ni taran nyɔ.

1 Tɛsalonaika 2:15

Wonu denu ya Mari Yisa faga anubɛ Allata nɛbinu. Anu ya male gben nyamanɛ wo burɔ. Anu sa Alla hɛnɛna ni, ado anu bi mɔgɛ bɛɛ kan ma!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (