Kɛwɔlɛnu 2:22 - ALLALA KUMƐ

²² “Wole Isirɛla mɔgɛnu, wo ni wo wɔlɔ matɔlɔ kumɛ kɛnu na! Yisa Nasarɛti kɛ, mɔgɛ le wo la nun Alla ya min sɔ. A ya ala sarati yira wo la nun kɛwɔli-sɛnbɛmɛnu anubɛ kabana-koenu anubɛ tamaserenu fɛ. Alla ya wonu kɛ ale fɛ, ado wole nyɛrɛ ya wo lɔn bawo a kera wo dama yala.

Kɛwɔlɛnu 2:22 ပူးပေါင်းရင်းမြစ်များ

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Matiyu 12:28

Kɔnɔ ni Allala Ni-Sɛnimɛ le ye anu gben-sɛnbɛ dila n ma, wo ye a yirala wo rɔ ko Allala mansayɛ ara ke wo ma nun. Ka, a sa wo nya?

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Matiyu 9:8

Mɔgɛnu ya a yen tumɛ min, anu kawara. Anu ya Alla tanto bawo a ara sɛnbɛ-su wo di mɔgɛnu ma.

Luka 11:20

Kɔnɔ n bi nyinɛnu gbenna Allala sɛnbɛ le la. Wo ye a yirala ko Allala mansayɛ ara ban kela wo ma.

Luka 18:37

Anu ya a yabi ko, “Yisa Nasarɛti kɛ le tenbi tinɛ.”

Luka 24:18

Kelen min tɔgɛ Kaliyopasi, wo ya Yisa manyinika, a ko, “Sundan le ile la Yerusalɛm soe burɔ, wa? Koe min bɛɛ ara ma tele-dande kɛnu kɔrɔ, ile le kelen pe ma wonu lɔn, ba?”

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 10:37

Nba, ni n sa n Fala kɛwɔlɛnu kɛla nun, wo kana la n na worɔ.

Yɔni 11:47

Woletɔ Farisinu anubɛ saraka-masɔla-wɛnu ya Yahudiya mɔgɔ-ba wonu nadɛn. Anu ko, “Ma si nfen ma? Kei kɛ ye kabana-ko-wɔlɛ min bɛɛ kɛla,

Yɔni 12:17

Minnu bi nyɔ nun, Yisa ya Lasarasi kele tumɛ min ka bɔ kuru-kanbɛ rɔ, wonu bi wo rakaranna mɔgɛnu ye min mara.

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 19:19

Pailɛti ya fan do sɛbɛ walan ma ko anu ni a gbangban kɔlɔma ma a kun kan tɔ. Sɛbɛlɛ wo ko, “Yisa, Nasarɛti kɛ, Yahudiyanuna Mansɛ.”

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 4:48

Yisa ya a fɔ a ye ko, “Ni wo ma ko-wɛ anubɛ kabana-koenu tayen, wo fenfen ti dɛnkɛninya.”

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 6:14

Nyɔ-dugurannu ya Yisala kabana-ko-tamasere yen min kɛ, anu wulita a fɔla ko, “Anu ya nɛbi min bara-koe fɔ nun, wo le kɛ la serr!”

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Yɔni 7:31

Mɔgɔ siyaman dɛnkɛninyara a ma nyama wo rɔ. Anu ko, “Allata-Mɔgɔ-Yabɔnɛ wa na tumɛ min, n ma la a la ni a si kabana-ko-wɔlɛ kɛ min tenbira kɛ la mumɛ!”

Yɔni 9:33

Ni kei kɛ ma bɔ Alla wara nun, a ti ke ko sifa kɛ ladanna nun.”

Kɛwɔlɛnu 13:16

Nba, Pɔli ya a sɔ ka a bole sa a dɛ la ko anu ni anu tole masɔ. A ya a fɔ anu ye ko, “Wole Isirɛla kɛnu anubɛ sibolo-gbɛrɛ minnu bi Alla batola yan, wo ni wo wɔlɔ matɔlɔ n kan la!

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Kɛwɔlɛnu 2:19

A ko a si kabana-koenu yira san-kole rɔ anubɛ tamaserenu dugu-kole kuma. Yele si bɔ anubɛ tɛ anubɛ ta-sisi-wɛ.

Kɛwɔlɛnu 2:43

Yisata kilayɛ wonu ya kabana-ko-siyaman anubɛ tamasere-siyaman kɛ min ya a ma, mɔgɛ bɛɛ kawara.

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

Kɛwɔlɛnu 22:8

N ya nyinikalɛ kɛ ko, ‘N fa, yon bi ile la?’ A ya n yabi ko, ‘Yisa, Nasarɛti kɛ le nde la, i ye min tɔrɔla.’

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Kɛwɔlɛnu 26:26

ado ale Mansa Agaripa ya koe kɛnu lɔn serr! Woletɔ n si ke kumala i ye yisi-latɛgɛ rɔ. N lanɛ a la ko i wara koe kɛnu lɔn bɛrɛkɛ, bawo koe kɛnu ma kɛ dogɔn tɔ.”

Kɛwɔlɛnu 26:9

“Nde nyɛrɛ ya n miri ko fɔ n ni wuli Yisa Nasarɛti kɛ kan ma ka a tɔgɛ tinya-koe bɛɛ rɔ.

Kɛwɔlɛnu 3:12

Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de!

Kɛwɔlɛnu 3:6

Kɔnɔ Pita ya a fɔ a ye ko, “Wodi sa n bolo kɔnɔ min bi n bolo, n si wo di i ma. Yisa Nasarɛti kɛ, Allata-Mɔgɔ-Yabɔnɛ tɔgɛ rɔ, i lasɔ. I ni tagama!”

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.

Kɛwɔlɛnu 5:35

A ya a fɔ mɔgɛ-banu ye ko, “N ta-nyɔgɛ Isirɛla mɔgɛnu, wo ye min mala mɔgɛ kɛnu na, wo ni a ma wo fɛrɛma de!

Kɛwɔlɛnu 6:14

Ma ya a lamɔɛn a ye a fɔla ko Nasarɛti kɛ Yisa kɛ si Alla-Bato-Bɔn wayan, ado Nɛbi Musa ya namu minnu to ma bolo, ale Yisa ya wo bɛɛ yɛlɛma!”

2 Kɔrɛnti 12:12

Kabana-koe anubɛ ko-makawanɛ minnu ya a yira ko kilaya-bɛrɛ le nde la, n bara n munyu wo bɛɛ ma-tinɛ wo tɛma.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.