Kɛwɔlɛnu 2:2 - ALLALA KUMƐ

² Tiriyante wo rɔ, kuman-kan bɔra san-kole rɔ iko fɔn-sɛnbɛmɛ. Minnu siginɛ bɔn wo mumɛ burɔ, anu damasi ya a lamɔɛn.

Kɛwɔlɛnu 2:2 ပူးပေါင်းရင်းမြစ်များ

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Keninteya-Siginu 4:16

Fɔnyɔ, bɔ nna nako-suma-diyamɛ kɛ rɔ. Anu sumɛ ra ni tii pu! Nna kei ni na ala nakɔɛ rɔ. A ni ala kɔn-gbɔ-diyamɛ diya bɔ.

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Luka 2:13

Wati-kundunɛ wo kɔrɔ, Arinyɛnitɔ-melika siyaman bɔra gbɛ rɔ ka anu sɔ melika doi wo fɛ. Anu bi Alla tantola ko,

Yɔni 3:8

Kan tinɛ min di fɔnyɔ ye, a ye tala nyɔ le. I ye a kan lamɔɛnna kɔnɔ i ma a bɔ-tinɛ lɔn, i ma a ta-tinɛ lɔn. Min bɛɛ sɔrɔnnɛ Allata Ni-Sɛnimɛ bolo, anu bi wo nya le.”

Kɛwɔlɛnu 2:3

Anu ya fan donu yen minnu manɛ iko ta-mɛlan. Ta-mɛlan wonu manɛ iko mɔgɔ nagan. Wonu nyɛnsɛnta ka sigi mɔgɔ kelen-kelennamɛ-bɛɛ ma.

Kɛwɔlɛnu 2:6

Wonu ya kuman-kan kɛ bɛɛ lamɔɛn tumɛ min, nyama-wɛ burimatoe nara ka a lɔn min mara. Anu dama kɔndɔfilita bawo anu kelen-kelennamɛ-bɛɛ ya a lamɔɛn anu bi anuna kan fɔla.

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.