Kɛwɔlɛnu 19:21 - ALLALA KUMƐ

²¹ Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Kɛwɔlɛnu 19:21 ပူးပေါင်းရင်းမြစ်များ

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Kɛwɔlɛnu 16:12

Ma bɔra nyɔ ka ta Filipai so-karantan burɔ min bi Masidoniya nyamanɛ rɔ. Romu kɛnu denu ya soe wo datɛgɛ fɔlɔ-nun. Ma ya tele-dande bɔ Filipai soe wo burɔ.

Kɛwɔlɛnu 18:12

Kaliyo ye Romu kɛnuna sigisɔn-mansayɛ la Kiriki nyamanɛ wo rɔ min tɔgɛ Akeya tumɛ min, Yahudiyanuna kun-tigi donu ya Pɔli bira ka ta a la kiti tɛgɛ tinɛ.

Kɛwɔlɛnu 18:21

A ya a masara anu na ka a fɔ anu ye ko, “Ni Alla sɔnta, n bi nala tun.” A donta kulɔn rɔ Ɛfɛsa soe nyɔ ka ta Sɛsariya soe burɔ.

Kɛwɔlɛnu 19:22

A ya a dɛnbɛna filɛ lata Masidoniya nyamanɛ rɔ, Timoti anubɛ Irasiti, kɔni. Ale nyɛrɛ tora Esiya nyamanɛ rɔ wati-ni kɔrɔ.

Kɛwɔlɛnu 19:29

Sɔnkɔ-sɔnkɛ wo kɛra soe fan bɛɛ rɔ. Nyama ya Pɔli ta-nyɔgɛnu Keyasi anubɛ Aritaka bira minnu bɔra Masidoniya nyamanɛ rɔ. Anu burumatoe tara wonu na ladɛn tinɛ.

Kɛwɔlɛnu 20:16

Pɔli ara a latɛgɛ ko a ni tenbi Ɛfɛsa soe la alako a kana wati matanba Esiya nyamanɛ rɔ. A ye a lakaliyala nun ko a ni Pɛntikɔsi tele kɛ Yerusalɛm soe burɔ.

Kɛwɔlɛnu 20:22

Nba kaka, n bi tala Yerusalɛm Allata Ni-Sɛnimɛla kuma-birɛ fɛ. Koe minnu si ma n na nyɔ, n ma wonu lɔn.

Kɛwɔlɛnu 21:17

Ma kera Yerusalɛm tumɛ min, Marita mɔgɛnu ya ma rabira sewɛ la.

Kɛwɔlɛnu 21:4

Ma tara dɛnkɛninya-mɔgɛnu nyini tinɛ nyɔ ka lɔgɔkun kelen kɛ wonu fɛ. Anu ya a fɔ Pɔli ye Allata Ni-Sɛnimɛ baraka rɔ ko a kana ta Yerusalɛm.

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

Kɛwɔlɛnu 28:16

Ma kera Romu tumɛ min, anu sɔnta ko Pɔli ni to a nyɛrɛ ma bɔn do la. Kɛlɛ-dan do sɔnɛ a dafɛ.

Romu 1:11

ado wo yen-sɔgɛ ye n na kati! N bi a fɛ, Allata Ni-Sɛnimɛ ni kɔli-fan do latenbi wo ma min si wo lasabati.

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 1:15

Woletɔ a sɔgɛ ye n na bɛrɛkɛ ka kibara-nyimɛ lake wole Romu kɛnu fanan ma.

1 Kɔrɛnti 16:5

N ba Masidoniya nyamanɛ ratagama tumɛ min, n si na ke wo ma worɔ bawo n bi bɔla nyamanɛ wo le tɔ.

1 Kɔrɛnti 4:19

Kɔnɔ ni Mari sɔnta, a sa mɛla tun, n bi nala kela wo ma. Nba, mɔgɔ-wasinɛ wonu si ke min kɛla worɔ, nde nyɛrɛ si a lɔn ni anu bi da-rabu-tugi le la, ka, ni sɛnbɛ-bɛrɛ le anu bolo,

2 Kɔrɛnti 10:16

Wo le, ma si ke ka kibara-nyima-kawandili bɔ nyamanɛ wonu tɔ minnu bi wo kɔma. Donu bara wɔlɛ min kɛ mɔgɛ donu barɛ, ma kana wasi wo la.

Kalesiya 2:1

San tan-ni-nani kɛ kɔma, mabɛ Banabasi tara Yerusalɛm tun. Taita fanan bilara n fɛ.

1 Tɛsalonaika 1:7

Wo le ya a ma, wo mara misalɛ la dɛnkɛninya-mɔgɛ bɛɛ ye Masidoniya anubɛ Akeya sigisɔnnu tɔ,