Kɛwɔlɛnu 19:18 - ALLALA KUMƐ

¹⁸ Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Kɛwɔlɛnu 19:18 ပူးပေါင်းရင်းမြစ်များ

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Saraka-Masɔlɛnuta Tɔnnu 16:21

Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Matiyu 3:6

Anu ya anu sɔ anu hakɛnu na tumɛ min, a ya anu batasi Yorodan bɛ rɔ.

Kɛwɔlɛnu 19:17

Yahudiyanu anubɛ sibolo-gbɛrɛ minnu siginɛ Ɛfɛsa soe burɔ, wonu ya kɛ lamɔɛn tumɛ min, anu dama kilanta bɛrɛkɛ! Anu ya Mari Yisa tɔgɛ gbiliya bɛrɛkɛ!

Kɛwɔlɛnu 19:19

Minnu bara duriyɛ kɛ, wonu ya anuna duruya-bukunu nadɛn ka anu mintan mɔgɛ bɛɛ yala. Anu ya buku wonu sɔnkɛ yatɛ tumɛ min, wo bɛɛ bɛnta wodi-gbɛ-gbu waga bi-loli (50,000) le ma.

Romu 10:10

ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.