Kɛwɔlɛnu 19:17 - ALLALA KUMƐ

¹⁷ Yahudiyanu anubɛ sibolo-gbɛrɛ minnu siginɛ Ɛfɛsa soe burɔ, wonu ya kɛ lamɔɛn tumɛ min, anu dama kilanta bɛrɛkɛ! Anu ya Mari Yisa tɔgɛ gbiliya bɛrɛkɛ!

Kɛwɔlɛnu 19:17 ပူးပေါင်းရင်းမြစ်များ

2 Samuwɛli 6:9

Wo ya a ma, Mansa Dawuda kilanta Mari la. A ya a fɔ ko, “Nde si ta tɔn-kenkirɛ kɛ la n barɛ kama kɛ rɔ?”

Yaburi 64:9

Anu si kilan dɔgɔma-ma-de! Anu si anu miri Alla kɛ-nya ma ka a wara-koe rakaran.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Luka 1:65

A sigi-nyɔgɛ bɛɛ kilanta ha ka a dan natenbi. Kibarɛ kɛ nyɛnsɛnta Yudiya kɔnkɔ-nyamanɛ bɛɛ rɔ.

Luka 7:16

Mɔgɛ bɛɛ kilanta bɛrɛkɛ! Anu ya Alla tanto ko, “Nɛbi-ba ara bɔ gbɛ rɔ ma tɛma! Alla ara na ala mɔgɛnu kisi tinɛ!”

Kɛwɔlɛnu 13:12

Min kɛra wo la, sigisɔn-mansɛ ya wo yen tumɛ min, a dɛnkɛninyara. A kawara Marila karan ma bɛrɛkɛ!

Kɛwɔlɛnu 18:19

Anu sawɛ ke Ɛfɛsa soe burɔ, Pɔli ya Akuwila anubɛ Purusila to nyɔ. Yanni a ni Ɛfɛsa soe boloka, a tara Yahudiya-dina-bɔn la kawandili bɔ tinɛ Yahudiyanu ye.

Kɛwɔlɛnu 18:21

A ya a masara anu na ka a fɔ anu ye ko, “Ni Alla sɔnta, n bi nala tun.” A donta kulɔn rɔ Ɛfɛsa soe nyɔ ka ta Sɛsariya soe burɔ.

Kɛwɔlɛnu 19:1

Apɔlɔsi ye Kɔrɛnti soe burɔ tumɛ min, Pɔli bɔra kantɔ-nyamanɛnu tɔ ka na ke Ɛfɛsa soe burɔ. A ke nyɔ, a ya Marita mɔgɛ donu taran nyɔ.

Kɛwɔlɛnu 19:16

Nyina-yogomɛ ye kei min fɛ, wo buira anu ma sɛnbɛ la. A ya anu dama tanban. Anu burimatoe bɔra ala bɔn la, anu nakolɔn.

Kɛwɔlɛnu 19:18

Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Kɛwɔlɛnu 2:43

Yisata kilayɛ wonu ya kabana-ko-siyaman anubɛ tamasere-siyaman kɛ min ya a ma, mɔgɛ bɛɛ kawara.

Kɛwɔlɛnu 5:11

Allata chɔchi anubɛ min bɛɛ ya kɛ lamɔɛn, wonu kilanta ha ka a dan natenbi.

Kɛwɔlɛnu 5:13

Hali anu gbiliyanɛ nyama bolo, mɔgɔ-wo-mɔgɔ ma sisi a madonna anu na kilan bolo.

Kɛwɔlɛnu 5:5

Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

2 Tɛsalonaika 3:1

Ala ban, ma na-kelen-nyɔgɛnu, wo ni Alla matara ma ye. Marita kumɛ ni to nyɛnsɛnna tiriya! Wo si a ma, mɔgɛnu ni ata kumɛ gbiliya iko a mara wo tɛma nya min.

1 Samuwɛli 6:20

A kei-toe minnu tora Bɛti-Simɛsi soe burɔ, wonu ya a fɔ ko, “Yon si ke a sɔla Mari Alla-sɛnimɛ kɛ yakɔrɔ? Ma si tɔn-kenkirɛ kɛ lata mintɔ alako a ni bɔ ma dafɛ?”