Kɛwɔlɛnu 18:25 - ALLALA KUMƐ

²⁵ A ya Mari Yisata koe fanan lɔn. A kumara sɛnbɛ-wɛ la Yisa wara-koenu tɔ a kin na kɔnɔ a ya Yɔnila batasili-koe dɔrɔn lɔn.

Kɛwɔlɛnu 18:25 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 67:2

Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Maraka 1:3

Mɔgɛ do gbele-gbelen-kan ye bɔla wulɛ rɔ ko, ‘Bɛɛ ni kilɛ laka Mari ye. Anu ni kila-latelennɛ ladan a ye!’ ”

Maraka 12:14

Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Luka 1:4

N ya kɛ sɛbɛ minna ko la, wo le ko i wara hɛnkili sɔrɔn min bɛɛ ma kɛ la, ko tonyɛ le wo bɛɛ la.

Luka 7:29

Mɔgɛ bɛɛ ya kɛ lamɔɛn hali duti-makelelɛnu. Wonu ya Yisala kumɛ lamɔɛn tumɛ min, anu ya a lɔn ko Allala kilɛ telenta bawo anu bara sɔn nun ko Yɔni ni anu batasi.

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Kɛwɔlɛnu 18:26

Apɔlɔsi kumara yisi-latɛgɛ rɔ Yahudiya-dina-bɔn la nyɔ. Akuwila anubɛ Purusila ya ala kumɛ lamɔɛn tumɛ min, wonu tara a la anu barɛ ka Allala koe faranfasi a ye a kilɛ fɛ.

Kɛwɔlɛnu 19:23

Wo wati rɔ, tɔrɔya-ba wulita Ɛfɛsa soe burɔ ka a tɛgɛ Marita kilɛla ko la.

Kɛwɔlɛnu 19:3

Pɔli ya anu manyinika ko, “Nba, wo ya batasili-sufa nyamintan sɔrɔn worɔ?” Anu ya a yabi ko, “Yɔni ya mɔgɛnu karan batasili min na, ma ya wo le sɔrɔn.”

Kɛwɔlɛnu 19:9

Kɔnɔ anu donu yisi gbɛlɛyanɛ. Anu ma sɔn dɛnkɛninya-koe ma. Anu ya Marita kilɛ lafɛya nyama bɛɛ yala. Woletɔ Pɔli bɔra anu fɛ ka ta Marita mɔgɛnu na a bolo Tairanala karan-bɔn la. Tele-wo-tele, a ye anu makawandila nyɔ nun.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.

Romu 12:11

Wo ni wola wɔlɛ kɛ bɛrɛkɛ! Mɔgɔ kana tinya-mansayɛ kɛ. Wo ni wɔli Mari ye wo yisi bɛɛ la sewɛ rɔ.

2 Timoti 2:4

Kɛlɛ-den-nyimɛ ye a fɛ ka ala kun-tigi hɛnɛ min kɛ, woletɔ kɛlɛ-den ma minnu na, a ti basan wonuna koe la.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Kɛlɛ-Kurugbɛnu 2:22

Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.