Kɛwɔlɛnu 18:21 - ALLALA KUMƐ

²¹ A ya a masara anu na ka a fɔ anu ye ko, “Ni Alla sɔnta, n bi nala tun.” A donta kulɔn rɔ Ɛfɛsa soe nyɔ ka ta Sɛsariya soe burɔ.

Kɛwɔlɛnu 18:21 ပူးပေါင်းရင်းမြစ်များ

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Maraka 6:46

A ban mɔgɛnu masarala, a yɛlɛta kɔnkɛ kuma ka madiyali kɛ.

Luka 9:61

Kei-gbɛrɛkɛ ko, “N fa, n si ta i fɛ kɔnɔ sɔn, n ni ta fɔlɔn ka n masara nna denbayɛ la.”

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Kɛwɔlɛnu 18:19

Anu sawɛ ke Ɛfɛsa soe burɔ, Pɔli ya Akuwila anubɛ Purusila to nyɔ. Yanni a ni Ɛfɛsa soe boloka, a tara Yahudiya-dina-bɔn la kawandili bɔ tinɛ Yahudiyanu ye.

Kɛwɔlɛnu 18:20

Anu ya a madiya ko a ni mɛ anu fɛ kɔnɔ a ma sɔn wo ma.

Kɛwɔlɛnu 18:24

Yahudiya do nara Ɛfɛsa soe burɔ min tɔgɛ Apɔlɔsi. A sɔrɔnta Alɛsandariya soe burɔ. A kusan kumala, ado a karannɛ Yahudiyanuna kitabu ma bɛrɛkɛ!

Kɛwɔlɛnu 19:1

Apɔlɔsi ye Kɔrɛnti soe burɔ tumɛ min, Pɔli bɔra kantɔ-nyamanɛnu tɔ ka na ke Ɛfɛsa soe burɔ. A ke nyɔ, a ya Marita mɔgɛ donu taran nyɔ.

Kɛwɔlɛnu 19:17

Yahudiyanu anubɛ sibolo-gbɛrɛ minnu siginɛ Ɛfɛsa soe burɔ, wonu ya kɛ lamɔɛn tumɛ min, anu dama kilanta bɛrɛkɛ! Anu ya Mari Yisa tɔgɛ gbiliya bɛrɛkɛ!

Kɛwɔlɛnu 19:21

Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Kɛwɔlɛnu 20:16

Pɔli ara a latɛgɛ ko a ni tenbi Ɛfɛsa soe la alako a kana wati matanba Esiya nyamanɛ rɔ. A ye a lakaliyala nun ko a ni Pɛntikɔsi tele kɛ Yerusalɛm soe burɔ.

Kɛwɔlɛnu 21:14

Ma ma ke ale Pɔli miriya yɛlɛmana. Woletɔ ma ya a madiyɛ boloka ka a fɔ a ye ko, “Alamɛ Mari sako kɛra.”

Kɛwɔlɛnu 21:29

Anu ya kɛ fɔ bawo anu bara Ɛfɛsa kɛ Tarofimasi yen Pɔli fɛ soe burɔ. Anu ya anu miri ko Pɔli le ara ta wo la Alla-Bato-Bɔn la sibolo-gbɛrɛnu ti ta kan min.)

Romu 1:10

nna madiyalɛnu tɔ. N bi duwala, ni Alla sɔnta, a ni kilɛ laka n ye alako n si ta wo kɔndɔn nya min,

Romu 15:32

Woletɔ ni Alla sɔnta, n sewanɛ si ta wo taran, ado n tenbi nyɔ, n si wo wara-koe diya bɔ.

1 Kɔrɛnti 15:32

Ni n ya mɔgɛnu kɛlɛ Ɛfɛsa soe burɔ minnu manɛ iko “firarɔ-sogenu,” wo si nfen nyinya n ma? Ni Alla ti furinu nawuli, iko anu bi a fɔla nya min, “A fisa, ma ni fen-dɔn kɛ ka ma min ka ma nyɛrɛ ladiya bawo ma ye nala fagala le sina.”

1 Kɔrɛnti 16:7

A ma di n ye, n ni wo yen dɔrɔn ka belen. Ni Mari sɔnta, a di n ye ka wati-yan bɔ wo fɛ.

1 Kɔrɛnti 16:8

Kɔnɔ n bara a latɛgɛ ko n ni to Ɛfɛsa soe burɔ yan ha Pɛntikɔsi-tele

1 Kɔrɛnti 4:19

Kɔnɔ ni Mari sɔnta, a sa mɛla tun, n bi nala kela wo ma. Nba, mɔgɔ-wasinɛ wonu si ke min kɛla worɔ, nde nyɛrɛ si a lɔn ni anu bi da-rabu-tugi le la, ka, ni sɛnbɛ-bɛrɛ le anu bolo,

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Ɛfɛsa 1:1

Nde, Pɔli le ye kɛdi kɛ sɛbɛla. Nde mara Yisa Kirasitita kilayɛ la iko Alla ya a latɛgɛ nya min. Kɛ sɛbɛnɛ Alla batolɛnu ma Ɛfɛsa soe burɔ minnu sɔnɛ Kirasiti Yisa ye yiri!

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.

Hiburunu 6:3

Ma ta yarɔ wona, ado ni Alla sɔnta, ma si wo le ma, yɔ!

Yemesi 4:15

A fisa, wo ni a fɔ ko, “Ni Mari sɔnta, ma si kɛ ma, ni wo ma, ma si wo ma.”

1 Pita 3:17

ado ni Alla sako le, yanni i ni tɔrɔ ko-yogomɛla ko la, a fisa, i ni tɔrɔ ko-nyimɛla ko la.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.