Kɛwɔlɛnu 18:14 - ALLALA KUMƐ

¹⁴ Yanni Pɔli ni kuma tumɛ min, Sigisɔn-Mansa Kaliyo ya a fɔ Yahudiyanu ye ko, “Ni telenbɛliya-koe le, ni wo ma, ko-yogoma-koe do le nun, n si n munyu wole Yahudiyanu kɔrɔ worɔ.

Kɛwɔlɛnu 18:14 ပူးပေါင်းရင်းမြစ်များ

Matiyu 5:2

A ya anu karan dabira.

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Kɛwɔlɛnu 13:18

A ya a munyu anu kɔrɔ wula-da-rakolɔn rɔ san bi-nani kɔrɔ.

Kɛwɔlɛnu 21:39

Pɔli ya a yabi ko, “Yahudiya le nde la. N sɔrɔnta Tarasa, Salesiya nyamanita-so-karantan do rɔ, kɔni. N fa, i yandi, i ni sɔn, n ni kuma mɔgɛnu na.”

Kɛwɔlɛnu 25:11

Ni n bara tɔn tinya wo, ni n bara ko-wo-ko kɛ anu si n faga minna ko la wo, n ti i madiya mumɛ alako n si tanka wo ma nya min. Kɔnɔ anu bi n maburila min bɛɛla ko la, ni tonya sa wonu tɔ, mɔgɔ ti ke n donna anu bolo. Nba, a di n ye Romu nyamanɛ kun-tigi-ba ni n kiti gbɛ!”

Kɛwɔlɛnu 25:26

N si min sɛbɛ Romu nyamanɛ kun-tigi-ba ma ala ko la, n ma wo lɔn. Woletɔ n bara na a la wo yakɔrɔ yan, katarala ile ma, Mansɛ Agaripa! Ala kumɛ wa ban fɛsɛfɛsɛla i yakɔrɔ tumɛ min, i si a lɔn n si min sɛbɛ.

Romu 13:3

Wole min bi ko-nyimɛ kɛla, hali wo ma kilan wola kun-tiginu na. Kɔnɔ min bi ko-yogomɛ kɛla, wonu denu ni kilan. Nba, wo ni to ko-nyimɛ kɛla, anu si wo tanto worɔ.

2 Kɔrɛnti 11:1

Wo yandi! Hali n kuntanyanɛ doni, wo ni wo munyu n kɔrɔ.

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.