Kɛwɔlɛnu 18:12 - ALLALA KUMƐ

¹² Kaliyo ye Romu kɛnuna sigisɔn-mansayɛ la Kiriki nyamanɛ wo rɔ min tɔgɛ Akeya tumɛ min, Yahudiyanuna kun-tigi donu ya Pɔli bira ka ta a la kiti tɛgɛ tinɛ.

Kɛwɔlɛnu 18:12 ပူးပေါင်းရင်းမြစ်များ

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Yɔni 19:13

Pailɛti ya kumɛ kɛnu namɔɛn tumɛ min, a ya Yisa labɔ luyi ma. A sigira kiti-tɛgɛ-waganɛ rɔ. Kan tinɛ wo tɔgɛ le ko, “Kilɛ min nadannɛ kurinu na.” (A tɔgɛ Hiburu-kan rɔ ko, “Kabata.”)

Kɛwɔlɛnu 13:12

Min kɛra wo la, sigisɔn-mansɛ ya wo yen tumɛ min, a dɛnkɛninyara. A kawara Marila karan ma bɛrɛkɛ!

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 13:7

Sigiyasi-Pɔlɔsi min bi yi-tɛma-dugi wo kun na, a yatigi le wo la, ado hɛnkilimɛ le wo la. Wo ya Banabasi anubɛ Sɔli kele a warɛ bawo a ye a fɛ ka Allala kumɛ lamɔɛn.

Kɛwɔlɛnu 13:8

(Bara-Yisa wo tɔgɛ le Ɛlimasi Kiriki-kan rɔ.) Kofo-dan wo ya anu sɔsɔ. A ya a sɛbɛ don alako sigisɔn-mansɛ ni a ban dɛnkɛninya-koe ma.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 17:13

Kɔnɔ Yahudiya minnu bi Tɛsalonaika, wonu ya a lamɔɛn tumɛ min ko Pɔli ye Allala kumɛ kawandili bɔla Bɛriya soe burɔ, anu tara nyɔ ka nyama latugu anu kan ma.

Kɛwɔlɛnu 17:5

Kɔnɔ keliyɛ wulita Yahudiya donu na. Anu ya mɔgɔ-yokalente donu bi kilɛ la alako anu si nyama ladɛn. Anu ya a ma, soe bɛɛ sɔnkɔra ka bui Yesonla bɔn ma Pɔli anubɛ Sailasi ye kan min. Anu bi a fɛ ka anu nabɔ nyama ma.

Kɛwɔlɛnu 18:11

Woletɔ Pɔli tora mɔgɛnu karanna Allala kumɛ la nyɔ san kelen ani a tala.

Kɛwɔlɛnu 18:27

Apɔlɔsi ya a latɛgɛ ko a ni bɔ Akeya sigisɔn rɔ. Woletɔ Marita mɔgɛ minnu bi Ɛfɛsa, wonu ya kɛdi sɛbɛ Marita mɔgɛnu ma Akeya sigisɔn rɔ ko anu ni a rabira nyɔ. A kera nyɔ tumɛ min, minnu dɛnkɛninyara Yisa ma Allata hinɛ baraka rɔ, a ya wonu dɛnbɛ kati!

Kɛwɔlɛnu 19:21

Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Kɛwɔlɛnu 25:10

Pɔli ko, “N sɔnɛ Romu nyamanɛ kun-tigi-bala kiti tɛgɛ tinɛ le tɔ kɛ la, ado a bɛnta, anu ni na n kiti yan. N ma ko-yogomɛ kɛ Yahudiyanu kan ma iko ile nyɛrɛ ya a lɔn nya min.

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

Romu 16:5

Chɔchi-mɔgɛ minnu si anu nadɛn anuna bɔn la, wonu fanan kɔndɔn n ye. Wo ni n diyana-mɔgɛ Ipinɛta kɔndɔn. Ale le fɔlɔn mara dɛnkɛninya-mɔgɛ la Kirasiti ye Esiya nyamanɛ rɔ.

1 Kɔrɛnti 16:15

Wo ya Sitɛfanasi anubɛ ala denbayɛ wara-koe lɔn. Dɛnkɛninya-mɔgɔ-fɔlɔtɛ le wonu na Akeya sigisɔn rɔ. Anu bara anu nyɛrɛ di Alla ma ka ma wɔli-kɛlɛnu na Allata mɔgɛnu kɔrɔ fasai! N na-kelen-nyɔgɛnu, n bara wo madiya ko

2 Kɔrɛnti 1:1

Nde, Pɔli le ye kɛdi kɛ sɛbɛla wo ma. N mara Kirasiti Yisala kilayɛ la bawo wo diyara Alla ye. Mabɛ ma na-kelen-nyɔgɛ Timoti le ya kɛdi kɛ sɛbɛ. Ma ya kɛdi kɛ lata Allala chɔchi-mɔgɛnu ma minnu nadɛnnɛ Kɔrɛnti soe burɔ anubɛ Allala mɔgɛ min bɛɛ ye Akeya nyamanɛ rɔ.

2 Kɔrɛnti 11:10

N bara n keli Kirasitita tonyɛ rɔ min bi n tɔ. Akeya sigisɔn-mɔgɛ fenfen ti ke n nakalala n nyɛrɛ-matɔgɛ kɛ la.

2 Kɔrɛnti 11:26

Nna tagama-siyamɛ rɔ, n taranta yi-fɛ-masibɛ rɔ anubɛ kankannu-masibɛ rɔ anubɛ n na-kelen-nyɔgɔ Yahudiyanu-masibɛ rɔ. Sibolo-gbɛrɛnu fanan ya a lagbɛlɛya n kuma. So-burɔ-masibɛ wo, wulɛrɔ-masibɛ wo, kɔgɔ-yirɔ-masibɛ wo, foninya-dɛnkɛninya-mɔgɛnu-masibɛ rɔ wo, n ya n munyu wo bɛɛ kɔrɔ.

2 Kɔrɛnti 9:2

N ya a lɔn ko wo fanan si sɔn dɛnbɛni-koe wo ma. N bara n kɔgɔ raka wola ko la Masidoniya kɛnu ye. N ya a fɔ anu ye ko kebi serun, wole, ma na-kelen-nyɔgɛ minnu bi Akeya sigisɔn rɔ, wo ya wo rabɛn dɛnbɛni-koe wo rɔ. Ka a tɛgɛ wola dɛnbɛnɛ wo ma, wo ara mɔgɛ donu yisi lawuli dɛnbɛni-kɛ-tinɛ.

1 Tɛsalonaika 2:14

Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!