Kɛwɔlɛnu 17:18 - ALLALA KUMƐ

¹⁸ Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 17:18 ပူးပေါင်းရင်းမြစ်များ

Hɛnkilimaya-Kumɛnu 23:9

Hali i ma i tɔrɔ hɛnkilimaya-kumɛ fɔla kun-takolɔn ye bawo a ti sɔn a bira-koe ma fɔ ka i lafɛya.

Hɛnkilimaya-Kumɛnu 26:12

Mɔgɛ min bi a fɔla a nyɛrɛ ma ko, “Nde hɛnkili kolo,” yigi ye kun-takolɔn la ka tenbi wo tigi la.

Maraka 9:14

Anu mɔgɔ nani kera Yisala karan-dan doinu ma tumɛ min, anu ya nyama-belebele yen nyɔ. Tɔn-karan-mɔgɛ donubɛ ala karan-dan donu bi anu nyɔgɔn sɔsɔla.

Luka 11:53

Yisa bɔra nyɔ tumɛ min, tɔn-karan-mɔgɛnu anubɛ Farisinu wulita a yakɔrɔ-mamɔla ka a manyinika nyinikali-gbɛlɛmɛnu na.

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”

Kɛwɔlɛnu 4:2

Anu yisi bɔnɛ bawo Pita anubɛ Yɔni ye mɔgɛnu karanna ko mɔgɛ do ara wuli ka bɔ furinu tɛma ka a ragbɛ ko furinu bi wulila le iko min mara Yisa la.

Kɛwɔlɛnu 5:42

Anu tora mɔgɛnu karanna ka Yisa, Allata-Mɔgɔ-Yabɔnɛla kibara-nyimɛ lake Alla-Bato-Bɔn la anubɛ mɔgɛnu barɛnu tɔ tele-wo-tele.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Romu 1:22

Anu ko hɛnkilimɛ le anu na kɔnɔ kun-takolɔn le anu na.

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 4:10

Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,