Kɛwɔlɛnu 17:14 - ALLALA KUMƐ

¹⁴ Tiriyante wo rɔ, Marita mɔgɛnu ya Pɔli lata kɔgɔ-yi dafɛ kɔnɔ Sailasi anubɛ Timoti tora Bɛriya.

Kɛwɔlɛnu 17:14 ပူးပေါင်းရင်းမြစ်များ

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

Kɛwɔlɛnu 17:10

Suyi kera nya min wo, Marita mɔgɛnu ya Pɔli anubɛ Sailasi lata Bɛriya soe burɔ. Anu kera Bɛriya tumɛ min, anu tara Yahudiya-dina-bɔn la.

Kɛwɔlɛnu 17:15

Minnu tara Pɔli la, wonu bilara a fɛ fɔɔ Atɛn soe burɔ. Pɔli ya a sara anu na ko Sailasi anubɛ Timoti ni na a taran nyɔ yona. Anu sɛgira Bɛriya.

Kɛwɔlɛnu 17:4

Yahudiya donu lara kumɛ wo la, woletɔ anu kofura Pɔli anubɛ Sailasi ma. Kiriki minnu bi Alla batola, wo siyaman dɛnkɛninyara anubɛ musu-tɔgɔlamɛ siyaman.

Kɛwɔlɛnu 17:6

Kɔnɔ anu ma ke anu yenna min kɛ, anu ya Yeson anubɛ Mari Yisata mɔgɛ donu sagan ka ta anu na so-burɔ mɔgɔ-banu bara. Anu ya wɔyɔ layɛlɛ ko, “Kɛnu bi mɔgɛnu tɔrɔla dinkirɛ bɛɛ! Kaka, anu bara na maleta so tɔrɔ tinɛ,

Kɛwɔlɛnu 18:5

Sailasi anubɛ Timoti kera nyɔ tumɛ min ka bɔ Masidoniya nyamanɛ rɔ, Pɔli tora kawandili bɔla Yahudiyanu ye wati bɛɛ. A ye sereyɛ bɔla anu ye ko Yisa, Allata-Mɔgɔ-Yabɔnɛ le.

Kɛwɔlɛnu 19:22

A ya a dɛnbɛna filɛ lata Masidoniya nyamanɛ rɔ, Timoti anubɛ Irasiti, kɔni. Ale nyɛrɛ tora Esiya nyamanɛ rɔ wati-ni kɔrɔ.

Kɛwɔlɛnu 20:3

ka karɛ sawa bɔ nyɔ. Pɔli ye a rabɛnna ka ta Siriya nyamanɛ rɔ kulɔn rɔ tumɛ min, a ya Yahudiyanuna dunbu-koe lɔn a kan ma. Woletɔ a ya a latɛgɛ ko a ni sɛgi Masidoniya kilɛ fɛ.

Kɛwɔlɛnu 9:25

Kɔnɔ su kelen kera, Sɔli gba-fɛ-bilalɛnu ya a sigi sende rɔ ka a layigi tarɛ kɔma.

Kɛwɔlɛnu 9:30

Kɔnɔ a na-kelen-nyɔgɔ dɛnkɛninya-mɔgɛnu ya wo lamɔɛn tumɛ min, anu tara Sɔli la Sɛsariya soe burɔ. Wo kɔma, anu ya a lata Tarasa soe burɔ.

1 Timoti 1:3

N bi a fɛ, i ni to Ɛfɛsa soe burɔ iko n ya i madiya nya min wo tumɛ n bi tala Masidoniya nyamanɛ rɔ. Mɔgɛ donu bi mɔgɛnu karanna foninya-dinanu ma nyɔ. A fɔ anu ye ko anu ni fara wo la.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Yasowa 2:16

a ya a fɔ anu ye ko, “Wo ni ta wo dogon kɔnkɛnu tɛma. Ni wo ma, wo sagarannɛnu si wo bira. Wo ni wo dogon nyɔ tele sawa kɔrɔ. Wo kɔma, wo sagarannɛnu ba sɛgi, wo ni ta wo warɛ.”