Kɛwɔlɛnu 16:39 - ALLALA KUMƐ

³⁹ Woletɔ anu tara Pɔli anubɛ Sailasi madiya tinɛ. Wo kɔma, anu ya anu nabɔ yele la ka anu madiya ko anu ni bɔ soe wo burɔ.

Kɛwɔlɛnu 16:39 ပူးပေါင်းရင်းမြစ်များ

Bɔ-Koe-Iyipiti 11:8

Ila mɔgɔ-banu si na n bara. Anu si anu sa n kɔrɔ n madiya tinɛ alako mabɛ nna mɔgɛnu ni ta. Wo kɔma, ma si ta.” Musa kɔrɔtɔnɛ bɔra mansɛ yakɔrɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Matiyu 8:34

Min bɛɛ ye soe wo rɔ, wonu nara Yisa labɛn tinɛ. Anu ya a yen tumɛ min, anu ya a madiya ko, “I yandi, bɔ mala nyamanɛ kɛ rɔ.”

Maraka 5:17

Wo le ya a ma, anu burunta Yisa madiyala ko a ni bɔ anuta nyamanɛ rɔ.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.