Kɛwɔlɛnu 16:36 - ALLALA KUMƐ

³⁶ Woletɔ yele-kandannɛ ya kumɛ wo latenbi Pɔli ma ko, “Kun-tiginu bara kilayɛ lana ko ka wobɛ Sailasi boloka. Woletɔ wo bolokanɛ ka ta yisi-kimɛ rɔ.”

Kɛwɔlɛnu 16:36 ပူးပေါင်းရင်းမြစ်များ

2 Mansɛnu 5:19

Nɛbi Ilaisa ya a fɔ a ye ko, “Alamɛ i yisi-kimanɛ tara.” Neyaman tara. Neyaman tanɛ doni,

Bɔ-Koe-Iyipiti 4:18

Wo tumɛ Musa ye a biran-kei warɛ Midiyan nyamanɛ rɔ, Mari ya a fɔ a ye ko, “I ni sɛgi Iyipiti nyamanɛ rɔ bawo minnu bi i faga-koe rɔ, wonu bara faga.” Musa tara a fɔ a biran-kei, Yɛtiro ye ko, “Sɛgi-sɔgɛ ye n na ka a lɔn ni n na-kelen-nyɔgɛnu bi nya min, tumado do ye nyɔ min kɛndɛ Iyipiti nyamanɛ rɔ.” Yɛtiro ya a fɔ Musa ye ko, “Awa ta, yo! Alamɛ Alla ya i kandan.”

Maraka 5:34

Yisa ya a fɔ musi wo ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ. Ila kirayɛ ara ban i rɔ.”

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Kɛwɔlɛnu 15:33

Anu ban wati-ni bɔla Antiyaki soe burɔ, Marita mɔgɛ minnu bi nyɔ, wonu ya anu nasɛgi tun yisi-kimɛ rɔ. [

Kɛwɔlɛnu 16:23

Anu banta Pɔli anubɛ Sailasi gbesila boloko-yogomɛ-kɛ tumɛ min, anu ya anu nadon yele la. Anu ya a fɔ yele-kandannɛ wo ye ko a ni anu mara gben!

Kɛwɔlɛnu 16:27

Ale yele-makandannɛ kundenta. A ya dɛnu nakanɛ yen tumɛ min, a ya a lɔn ko yelela-mɔgɛ bɛɛ ara bɔ. Woletɔ a ya ala faan sagan a rɔ alako a ni a nyɛrɛ faga.

Kɛwɔlɛnu 16:35

Wo banda kɛ, Romu kun-tiginu ya kilayɛ lata polisi-kun-tiginu ma ka a fɔ anu ye ko, “Wo ni mɔgɛ wonu boloka.”

Kɛlɛ-Kurugbɛnu 18:6

Saraka-masɔlɛ wo ko, “Hali wo yisi ma tinya. Mari ye wo fɛ wola tagama kɛ rɔ.”

1 Samuwɛli 1:17

Ilayi ko, “Ta. I ni i yisi-kimɛ. I wara Isirɛlata Alla matara min na, alamɛ a ya wo di i ma.”

1 Samuwɛli 20:42

Yonatan ya a fɔ Dawuda ye ko, “Alamɛ Alla tora i fɛ. Malebɛ ile sarata min ma ma nyɔgɔn tɛma kɛ la, Mari si wo latɔnbagaya ma mamanɛnu tɛma burubukai!” Dawuda tara a kun fɛ. Yonatan tara soe.

1 Samuwɛli 25:35

Abigɛli tara fan min bɛɛsi la Dawuda sanbayɛ la, a ya wonu bira. Dawuda ya a fɔ a ye ko, “I yisi kana gbala. Sɛgi i warɛ. N si a ma iko i yili ye a ma nya min.”

1 Samuwɛli 29:7

Woletɔ sɛgi i kɔma yisi-kimɛ rɔ, ado i kana ko-wo-ko ma min si anu yisi tɔrɔ anu ma.”