Kɛwɔlɛnu 16:26 - ALLALA KUMƐ

²⁶ Tiriyante wo rɔ, dugi yɛrɛyɛrɛnta bɛrɛkɛ ha yele-bon-kurukɛ tinɛ yɛrɛyɛrɛnta. Nba, yele-bɔn wo dɛnu nakara kelenna! Yɔlɔkɛnu buira ka bɔ yelela-mɔgɛ bɛɛ kian anubɛ anu bole ma.

Kɛwɔlɛnu 16:26 ပူးပေါင်းရင်းမြစ်များ

1 Mansɛnu 13:28

A tara ka Allata mɔgɛ furi sanɛ yen kilɛ la, yarɛ wonubɛ sofɛlɛ sɔnɛ a dafɛ. Kɔnɔ yarɛ ma furi wo soge fenfen dɔn hali ka ko ma sofɛlɛ wo la.

Yaburi 102:20

A ye wo mafɛlan kun na tumɛ min, a ya mɔgɔ-biranɛnu kurun-kan lamɔɛn. Minnu faga-ko-lɔgɔ la ara ban tɛgɛla, a ya wonu kunyɛ bɔ fagalɛ kɔrɔ.

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Yaburi 68:6

Ni mɔgɔ sa min bolo, a si mɔgɛ di wo ma. A si mɔgɔ-biranɛnu boloka ka anu nasewa. Kɔnɔ mɔgɔ-murutiyanɛnu si sigi nyamani-takolɔn rɔ.

Yaburi 79:11

I wɔlɔ matɔlɔ mɔgɔ-biranɛnu kurun-kan la. Minnu faga-koe la ara tɛgɛ, wonu kunyɛ bɔ lakira bonda-dɛ la i sɛnbɛ-makawanɛ la.

Aiseya 42:7

A ko a si fiyɔnnu yɛ laka. A si yelela-mɔgɛnu kun nayere ka anu bɔ pinpi wo rɔ.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Matiyu 28:2

Tiriyante wo rɔ, dugi yɛrɛyɛrɛnta tun bɛrɛkɛ! Marita melika yigira ka bɔ Arinyɛni tɔ. Melika wo ya kuri makuru-kurun ka bɔ kanba-dɛ la ka a sigi a kuma.

Kɛwɔlɛnu 12:10

Anu tenbira kandannɛ sigi tinɛ fɔlɔtɛ la, anubɛ a fila nyɔgɛnu. Nɛgɛ-dɛ min bi yele la nyɔ, anu kera wo ma tumɛ min, dɛ wo lakara a nyɛrɛ ma anu ye. Anu donta soe burɔ. Anu bi tagamana soe burɔ nkɛkuna, tiriyante wo rɔ, melika wo ya Pita boloka.

Kɛwɔlɛnu 12:7

Tiriyante wo rɔ, Marita melika sɔra nyɔ. Waan rakara yele-bɔn la. Melika ya Pita magbesi a kanban-kunyɛ ma ka a lakunden. A ko, “I lasɔ tiriya!” Tiriyante wo rɔ, yɔlɔkɛnu buira ka bɔ a bolenu na.

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 6:12

Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.