Kɛwɔlɛnu 16:25 - ALLALA KUMƐ

²⁵ Suyi tɛma, Pɔli anubɛ Sailasi ye Alla matarala ka bɛtinu bɔ a ye, ado yelela-mɔgɔ-toenu tole masɔnɛ anu na.

Kɛwɔlɛnu 16:25 ပူးပေါင်းရင်းမြစ်များ

Yobu 35:10

Alla min ya anu dan, anu ti anu ya-lamunun wo la, ado ale le si ke anu yili-madiyala tɔrɔya-wati rɔ.

Yaburi 119:55

Mari, n yili si to i ko suyi rɔ ka to n mirila ila tɔnnu ma.

Yaburi 119:62

N bi n nasɔla su-talɛ ma ka i matɔgɔ bawo i ye kiti sala a kila-bɛrɛbɛrɛ fɛ.

Yaburi 22:2

Nta Alla, n bi i rakelela tele rɔ kɔnɔ i ti a labira. N bi i rakelela suyi rɔ fanan kɔnɔ do ti bɔ nta tɔrɔyɛ la.

Yaburi 34:1

N si baraka bira Mari ye tuma-wo-tuma. N ti n tade a tantolɛ ma mumɛ!

Yaburi 42:8

Alamɛ Mari ya ata keninteya-dannatɛgɛbɛlɛ yira n na tele rɔ woletɔ n si to bɛti bɔla n yisi rɔ suyi rɔ. N niyi ye Alla min bolo, bɛti wo mani de ale ye iko madiyalɛ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 71:7

N kɛ-nya manɛ misalɛ la mɔgɛnu ye bawo i wara ma n natanka-tina-gbɛlɛmɛ la.

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Yaburi 77:6

N bi kila n mirila kudu! N tenbi miri kɛ kun na, n bi n nyɛrɛ manyinikala.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 16:19

Nba, a tiginu ya a lɔn tumɛ min ko anu sa wodi sɔrɔnna a fɛ tun, anu ya Pɔli anubɛ Sailasi bira ka anu sagan anuna kun-tiginu bara barɛ rɔ.

Kɛwɔlɛnu 16:33

Suyi wo nyɛrɛ rɔ, yele-makandannɛ ya anu nabɔ ka anuna tɛlɛnu ku. Ale anubɛ ala bonna-mɔgɛ bɛɛ batasira kelenna!

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 5:3

Nba, ma sewanɛ fanan mala tɔrɔyɛnu tɔ bawo ma ya a lɔn ko tɔrɔyɛ si ma labila dinyɛ ma.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

Ɛfɛsa 5:19

Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Yemesi 1:2

N na-kelen-nyɔgɛnu Kirasiti rɔ, wo wa don kɔrɔbɔli-subolo-siyamɛ rɔ tumɛ min, wo ni wo bɛɛ lɔn sewɛ la.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.