37 A sɔgɛ ye Banabasi la ko Yɔni-Maraka ni ta anu fɛ
A ya a nyɛrɛ lɔn tumɛ min, a tara Yɔni-Maraka na warɛ, Mariyama, kɔni. Mɔgɔ siyaman nadɛnnɛ nyɔ Alla matarala.
Banabasi anubɛ Sɔli ya anuna wɔlɛ ban tumɛ min, anu bɔra Yerusalɛm soe burɔ ka sɛgi Antiyaki soe burɔ. Anu tara Yɔni-Maraka la anu bolo.
Pɔli anubɛ a ta-nyɔgɛnu donta kulɔn rɔ Pefasi soe dafɛ ka ta Pamfiliya-Pɛraga soe burɔ. Yɔni-Maraka ya anu boloka nyɔ ka sɛgi Yerusalɛm.
Anu ke Salamisi soe burɔ, anu ya Allala kumɛ fɔ anu ye Yahudiya-dina-bɔnnu na. Yɔni-Maraka tara anu fɛ ka anu dɛnbɛ.
Wo mara sɔsɔli-belebele la anu tɛma ha anu farata anu nyɔgɔn na. Banabasi ya Yɔni-Maraka bi. Wonu donta kulɔn rɔ ka ta Saiparasi yi-tɛma-dugi rɔ.
Aritaka min bi n dafɛ yele la yan, wo ye wo kɔndɔnna anubɛ Banabasi na-kelen-nyɔgɛ Maraka fanan. (N bara a fɔ wo ye nun ko a wa ke wo ma, wo ni a rabira a kin na!)
Luka kelen pe le ye n fɛ yan. I tenbi nala, i ni na Maraka la i bolo bawo a si ke n dɛnbɛna wɔlɛ la.
N wɔli-kɛ-nyɔgɛnu fanan bi wo kɔndɔnna, wo le Maraka anubɛ Aritaka anubɛ Dimasi anubɛ Luka, kɔni.
Chɔchi-mɔgɛ minnu bi Babilɔn, wonu fanan yabɔnɛ Alla bolo. Wonu bi wo kɔndɔnna. Nna den Maraka fanan ya wo kɔndɔn.
