Kɛwɔlɛnu 15:20 - ALLALA KUMƐ

²⁰ Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Kɛwɔlɛnu 15:20 ပူးပေါင်းရင်းမြစ်များ

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

Ko-Dabirɛnu 9:4

Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ.

Bɔ-Koe-Iyipiti 20:23

Anu kana wodi-gbɛ anubɛ sɛnɛ ladan bɛsɛnu na ka mabɛ wonu kɔ.

Isikiyɛli 33:25

“Nde, i Tigi Marita kumɛ kɛ latenbi anu ma. A fɔ anu ye ko anu bi soge anubɛ a yele dɔnna. Anu bi bɛsɛnu kɔla. Anu bi mɔgɛnu fagala. Anu miri kama worɔ ko anu halalɛ le nyamanɛ kɛ la?

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Daniyɛli 1:8

Daniyɛli ya a latɛgɛ a nyɛrɛ ma ko a ti a nyɛrɛ latinya mansɛla dɔn-fan wonu dɔn tinɛ. Woletɔ a ya anu karan-mɔgɔ Asipinasi madiya alako ale kana mansɛla dɔn-fan dɔn anubɛ ka ala baan min.

Saraka-Masɔlɛnuta Tɔnnu 18:6

Musa ya Mari kuman-kan latenbi Isirɛla mɔgɛnu ma. A ko, “Wo musi le kɛnu na, wo ti wo sa minnu fɛ.

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 3:17

Isirɛla mɔgɔ-wo-mɔgɔ kana sogo-wo-sogo kɛɛn dɔn, ni wo ma, a yele. Wo siginɛ kan-bo-kan, tɔn le kɛ la Isirɛla mɔgɛnu ye habadan!”

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Kɛwɔlɛnu 21:25

Ma ara kɛdi lata Marita mɔgɛnu ma minnu dɛnkɛninyara ka bɔ sibolo-gbɛrɛnu tɛma ko anu kana fenfen dɔn min bara di bɛsɛnu ma nun. Ma ko anu kana sogo-yifanɛ dɔn bawo a yele ye a rɔ. Ma ko anu ni anu nyɛrɛ matanka yɛlɛnya-su bɛɛ ma.”

1 Kɔrɛnti 5:11

N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min bi baan-minyɛ kun na, ni kankan le—ni mɔgɛ wo ye a fɔla ko wo na-kelen-nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ-sufanu fɛ.

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

1 Kɔrɛnti 6:18

Wo ni wo buri yɛlɛnyɛ kɔrɔ! Mɔgɛ si hakɛ-gbɛrɛ min bɛɛ kɛ, wo bɛɛ ti a fɛrɛ-bɔnkɛ tɔrɔ iko kɛ. Mɔgɛ wa yɛlɛnyɛ kɛ, wo ye hakɛ-su kɛla min si a nyɛrɛ fɛrɛ-bɔnkɛ tɔrɔ.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

1 Kɔrɛnti 7:2

Kɔnɔ yɛlɛnyɛ ara siyaya min kɛ, a fisa, kei bɛɛ ni musi furu. Musi bɛɛ ni sigi kei-wara-sigi rɔ.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

2 Kɔrɛnti 12:21

N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

Kalesiya 5:19

Fɛrɛ-bɔnku-nata ye nya min, wo lɔn-koe ma gbɛlɛ! A ye minnu kɛla, wo le kɛnu na, sɔn-yogoyɛ wo, miriya-yogomɛ wo, milibɛlitaya-koe wo,

Ɛfɛsa 5:3

Yɛlɛnyɛ wo, ko-kɔsɔnɛ wo, wasabɛlitayɛ wo, a ma bɛn, wo do-wo-do ni taran wole Allata mɔgɛnu tɛma.

Tɔn-Fɔɛ-Fila-Nyɔgɛ 12:16

Kɔnɔ wo kana anu yele dɔn de! Ni min ya ata soge faga, a ni a makɔnɔ a yele bɛɛsi ni bɔ a rɔ dugi ma iko yi.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 15:23

Wo kana soge anubɛ a yele dɔn, fɔ wo ni a kan natɛgɛ. A yele ni bɔ a rɔ dugi ma iko yi.”

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

1 Tɛsalonaika 4:3

ado Alla ye a fɛ, wo ni sɛninya nya min, wo le kɛ la. Wo ni wo matanka yɛlɛnya-koenu na feu!

Hiburunu 12:16

Wo ni a ma wo fɛrɛma ko mɔgɔ-wo-mɔgɔ kana ma sɔn-yogoma-tigi la. Wo kana ma iko Isɔ min ya ata sɔ tinɛ mayira a dɔgɛ ma dɔn-fen-nɛla ko la.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Lankɛnimayɛ 10:2

Gbolo-lamininɛ-dɔgɔmɛ lafulennɛ a bolo. A ya a bolo-nyimama-kian sɔ kɔgɔ-yi rɔ ka a maranma-kian sɔ gbele ma.

Lankɛnimayɛ 10:8

Nba, n ya kuman-kan min namɔɛn ka bɔ Arinyɛni tɔ, wo kumara n ye tun ko, “Gbolo-lamininɛ min tafulennɛ, i ni ta wo bi melika wo bolo min kian ye gbele anubɛ kɔgɔ-yi rɔ.”

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.

1 Samuwɛli 14:32

Anu bara anu yogenuna bolo-fan minnu bi anu bolo nun, anu burimatoe tara kɛ wonu ma. Anu ya sagɛnu anubɛ ninkinu bi ka wonu tatɛgɛtɛgɛ anu gbɛ rɔ nyɔ. Anu ya soge wonu magbusu ka anubɛ a yele dɔn.

1 Samuwɛli 14:33

Mɔgɛ do ya a fɔ Mansa Sɔli ye ko, “I yɛ lata, ila kɛlɛ-dannu bi hakɛ kɛla Mari la. Anu bi sogo-yelelamɛ dɔnna.” Woletɔ Mansa Sɔli ya a fɔ ko, “Wo ara ko-yogomɛ ma ka wobɛ Alla tɛmɛ tinya. Wo ni kuru-wɛ lakurukurun n bara la yan.”