Kɛwɔlɛnu 15:18 - ALLALA KUMƐ

¹⁸ Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Kɛwɔlɛnu 15:18 ပူးပေါင်းရင်းမြစ်များ

Aiseya 44:7

Ale ye ko sufa min mala, mɔgɛ yon si ke wo sufanu mala? Yon si ke ko-natoenu fɔla iko ale ka a dabira a fɔlɔtɛ ma ha wati-laban?

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Sakaraya 14:7

Pinpi ti burun wo ma. Su-ni-tele, wan le rakanɛ waran! Mari kelen pe le ya kɛnu ma-wati lɔn.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 13:35

A ya wo ma alako nɛbi ya min fɔ, wo ni kanbali. A ko, “N tenbi kumala anu ye, n si tilinu sa. Kebi duninya danta, Alla ma koe minnu nabɔ gbɛ rɔ fɔlɔ-nun, n si wonu fɔ anu ye.”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Ɛfɛsa 3:9

Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!