Kɛwɔlɛnu 15:17 - ALLALA KUMƐ

¹⁷ Woletɔ mɔgɔ-toe bɛɛ si nde, Mari nyini. N bara sibole min bɛɛ kele, wonu si ma ntɛ la.

Kɛwɔlɛnu 15:17 ပူးပေါင်းရင်းမြစ်များ

Ko-Dabirɛnu 22:18

Duninya-mɔgɛ bɛɛ si duwɛ sɔrɔn ile bɔnsɔn fɛ kamasɔrɔn i wara n kuman-kan to a gbɛ rɔ.”

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 43:7

A halalɛ le male la, ado a ya ma dan a gbiliya-koe le la.

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Aiseya 65:1

Mari ko a ara a nyɛrɛ yira mɔgɛ donu na minnu sa a nyinina lefan! Minnuna ko sa ala ko rɔ, a sɔnta ko wonu fɔlɔn fɔlɔn ni a yen. Sibole minnu sa a batola, a ya a fɔ wonu ye ko, “Wo ma n yen? Nde le ye wo dɛnbɛna.”

Yɛrɛmaya 14:9

I mani de iko anu bi mɔgɛ min natɛrɛnala kɛlɛ la. I mani de iko kɛlɛ-nyana min ti ke mɔgɛ kunyɛ bɔla ko rɔ. Kɔnɔ Mari, hali wo, i ye ma tɛma. Ma ye ila hɔrɔmɛ rɔ. Woletɔ i kana ma boloka bawo ma dɛnbɛna sa.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 9:19

E, n tigi, i wɔlɔ matɔlɔ ma la. E, n tigi, ma makoto. E, n tigi, ma makoe kɛnu nyinya. I kana matanbani kɛ woletɔ mɔgɛ bɛɛ si a lɔn ko ile le Alla la, ado i ya a lɔn ko i tɔgɛ ye soe kɛ anubɛ ila mɔgɛnu kuma.”

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Yilan-Yilan Koe 24:23

Nɛbi Belam ya wɔlɔyiya-kumɛ kɛ fɔ tun. “Yon bi mɔgɛ kɛnu na minnu bi anu nadɛnna kantɔ-wara la?

Yilan-Yilan Koe 6:27

Mari ya a fɔ tun ko, “Wo wa duwa Isirɛla mɔgɛnu ye wati min, ni wo ya nde, Mari tɔgɛ ratɛgɛ, n si duwɛ layigi wole Isirɛla mɔgɛ bɛɛ kuma.”

Tɔn-Fɔɛ-Fila-Nyɔgɛ 28:10

Wo kɔma, duninya-mɔgɛ bɛɛ si a lɔn ko Allata mɔgɔ-yabɔnɛ le wole la. Anu si kilan wo la.

Yemesi 2:7

Alla ara tɔgɔ-nyimɛ min di wo ma, wonu denu bi kuma-yogomɛ fɔla wo ma.