Kɛwɔlɛnu 14:26 - ALLALA KUMƐ

²⁶ Anu donta kulɔn rɔ nyɔ ka sɛgi Antiyaki soe burɔ, anu dantɛgɛra Allala hinɛ rɔ kan min nun, ado anu bara wɔlɛ wo dafa feu!

Kɛwɔlɛnu 14:26 ပူးပေါင်းရင်းမြစ်များ

Kɛwɔlɛnu 11:19

Dɛnkɛninya-mɔgɛnu ya tɔrɔyɛ min sɔrɔn Sitifen sayɛ kɔma, wo ya a ma, anu nyɛnsɛnta. Donu tara fɔɔ Finisiya anubɛ Saiparasi nyamanɛnu tɔ anubɛ soe min tɔgɛ Antiyaki ka Allala kumɛ fɔ Yahudiyanu dɔrɔn ye.

Kɛwɔlɛnu 11:20

Kɔnɔ minnu dɛnkɛninyanɛ Saiparasi anubɛ Sairini soenu burɔ, wo donu tara Antiyaki ka Mari Yisata kibara-nyima-kawandili bɔ sibolo-gbɛrɛnu ye.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Kɛwɔlɛnu 11:27

Wo wati rɔ, nɛbi donu bɔra Yerusalɛm soe burɔ ka ta Antiyaki.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:21

Anu ya Yisata kibara-nyimɛ kawandili bɔ Dabi soe burɔ ka karan-den siyaman sɔrɔn. Wo kɔma, anu sɛgira Lisitira soe burɔ anubɛ Aikoniyam anubɛ Paisidiya-Antiyaki soenu burɔ.

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 15:30

Anu ya kilaya nani wonu boloka ko anu ni ta Antiyaki soe burɔ. Anu kera nyɔ tumɛ min, anu ya dɛnkɛninya-mɔgɛ bɛɛ ladɛn ka kɛdi wo di anu ma.

Kɛwɔlɛnu 15:40

Marita mɔgɛnu ya Pɔli dantɛgɛ Allata hinɛ ma. Wo kɔma, ale ya Sailasi yabɔ. Anu tara anu nyɔgɔn fɛ.

Kɛwɔlɛnu 20:32

“Nba kaka, n bara wo dantɛgɛ Alla ma. Wo yili ni to ala hina-kumɛ ko min si ke wo sɛnbɛ donna ka ata duwɛ di wo ma, ado a ara duwɛ wo lamara ala mɔgɛ bɛɛ ye.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Kalesiya 2:11

Pita nara Antiyaki tumɛ min, n ya a makuma dɛnkɛninya-mɔgɛnu yala bawo a ma ko-telennɛ kɛ.

Kɔlɔsi 1:25

Alla ara n ma ata kuma-lakelɛ la alako n ni ata kumɛ-mumɛ-bɛɛ-lakofunɛ lake wole sibolo-gbɛrɛnu tɛma.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

Kɔlɔsi 4:17

Wo ni a fɔ Akipasi ye ko a ara wɔlɛ min sɔrɔn Mari bolo, a ni wo ban de!

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ