Kɛwɔlɛnu 14:21 - ALLALA KUMƐ

²¹ Anu ya Yisata kibara-nyimɛ kawandili bɔ Dabi soe burɔ ka karan-den siyaman sɔrɔn. Wo kɔma, anu sɛgira Lisitira soe burɔ anubɛ Aikoniyam anubɛ Paisidiya-Antiyaki soenu burɔ.

Kɛwɔlɛnu 14:21 ပူးပေါင်းရင်းမြစ်များ

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Kɛwɔlɛnu 13:14

A toenu bɔra Pɛraga ka ta Paisidiya-Antiyaki soe burɔ. Sulen-Tele ma, anu tara sigi Yahudiya-dina-bɔn la.

Kɛwɔlɛnu 13:51

Pɔli anubɛ Banabasi ya anu kian ragbɔngbɔn alako wo ni ma sereyɛ la anu kan ma. Wo kɔma, anu tara Aikoniyam soe burɔ.

Kɛwɔlɛnu 14:1

Pɔli anubɛ Banabasi tara kawandili bɔ Yahudiya-dina-bɔn la Aikoniyam soe burɔ iko anu ya a ma Antiyaki soe burɔ nya min. Anuna kumɛ ya a ma, Yahudiya-nyama-ba anubɛ sibolo-gbɛrɛnu dɛnkɛninyara.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:26

Anu donta kulɔn rɔ nyɔ ka sɛgi Antiyaki soe burɔ, anu dantɛgɛra Allala hinɛ rɔ kan min nun, ado anu bara wɔlɛ wo dafa feu!

Kɛwɔlɛnu 14:6

Pɔli anubɛ Banabasi ya kala sɔrɔn wo ma tumɛ min, anu burimatoe tara Laikoninya nyamanɛ rɔ. Anu ya Yisata kibara-nyimɛ kawandili bɔ Lisitira anubɛ Dabi soenu tɔ anubɛ so-mɛsɛ minnu bi soe wonu dafɛ.

Kɛwɔlɛnu 14:8

Kei do siginɛ Lisitira soe burɔ nun min kiannu faganɛ a la. Kebi a sɔrɔnta, a ma ke tagamana mumɛ!

Kɛwɔlɛnu 15:36

Wati dande kɔma, Pɔli ya a fɔ Banabasi ye ko, “Ma ya Marita kumɛ kawandili bɔ soe min bɛɛ rɔ, ma sɛgi wona ma gbɛ wonu tɔ ka Marita mɔgɛnu sigi-nya lɔn.”

Kɛwɔlɛnu 16:2

Marita mɔgɛ min bɛɛ siginɛ Lisitira anubɛ Aikoniyam soenu tɔ, wo bɛɛ ya Timoti tɔgɔ-nyimɛ fɔ.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,