Kɛwɔlɛnu 14:17 - ALLALA KUMƐ

¹⁷ Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Kɛwɔlɛnu 14:17 ပူးပေါင်းရင်းမြစ်များ

1 Mansɛnu 18:1

Bandɛ lanabɛlitaya san sawa nyɔgɛ ma, Mari ya a fɔ ale Nɛbi Ilaya ye ko, “Ta i nyɛrɛ yira Mansa Ehabu la. N si bandɛ lana.”

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Yobu 36:31

Alla si bandɛ lana ka le ka mɔgɛnuna beli-fannu yi sa.

Yobu 37:6

A si a fɔ banda-kole ye ko a ni bui dugi ma. Wo kɔma, a si a fɔ bandɛ ye ko a ni na bɛrɛbɛrɛ-wɛ-kɛ.

Yobu 5:10

A ye bandɛ lanala dugi ma. A ye sɛnɛnu yi sala.

Yaburi 145:9

A nyimayanɛ mɔgɛ bɛɛ ma. A hinante ala dali-fannu ma.

Yaburi 4:7

Kɔnɔ hali wo, i wara n nasewɛ min kɛ, wo tenbira anuta sewɛ la pirr, hali anu bi fen sɔrɔnna duk!

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 40:21

Wo ma a lɔn, ba? Min bara fɔ wo ye nun, bi ko ma wo la? Duninya dabirara nya min, wo ma wo lamɔɛn bɛ nun, ba?

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 5:24

Wo sa a fɔla wo nyɔgɔn ye ko, “Ma ni kilan mata Mari Alla la wona. Ale le ye bandɛ lanala ma ye a tumɛ rɔ. Ale le ye a mala, ma ye mala fui-fannu tɛgɛla a tumɛ rɔ.”

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Saraka-Masɔlɛnuta Tɔnnu 26:4

N si bandɛ lana a tumɛ rɔ woletɔ wola ki-fannu si nanfa dugi rɔ a kilɛ fɛ. Wola kɔlɔmanu fanan si gbɔ-siyaman kɛ.

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Kɛwɔlɛnu 14:18

Hali Pɔli anubɛ Banabasi mɛra kumɛ kɛ fɔla, a gbɛlɛyara anu kuma ka nyama lakala saraka-bɔɛ la anu ye.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Tɔn-Fɔɛ-Fila-Nyɔgɛ 11:14

Ni wo ya wo ma, a si bandɛ lana a wati rɔ, wo ye nyinina a ma tumɛ min. Wo si a ma, wo ni ki-fen-siyaman tɛgɛ anubɛ fui-fannu.

Tɔn-Fɔɛ-Fila-Nyɔgɛ 28:12

Wota Mari Alla si bandɛ lana a wati rɔ ka bɔ ala yi-bara-lafani-belebele-wɛ rɔ san-kole ma. Wo ye wɔlɛ minnu kɛla, ale si wɔlɛ wonu baraka, woletɔ sibolo-gbɛrɛkɛ-mɔgɛnu si ta wole wara dɔndɔ sa tinɛ kɔnɔ wole ti ta anu denu bara yili tɛgɛ tinɛ.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.