Kɛwɔlɛnu 14:15 - ALLALA KUMƐ

¹⁵ “N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 14:15 ပူးပေါင်းရင်းမြစ်များ

Ko-Dabirɛnu 1:1

Alla ya duninya-dan dabira tumɛ min,

Ko-Dabirɛnu 41:16

Kɔnɔ Yusufu ya a fɔ mansɛ ye ko, “Nde ti ke kiyo kɔrɛ fɔla n nyɛrɛ ma fɔ Alla. Wo le si ke a kɔrɛ fɔla alako i yisi ni kimɛ.”

1 Mansɛnu 16:13

Mari diminyara Mansa Beyasa anubɛ ala den Mansa Ila ma bawo anu bara bɛsɛ kɔ ka Isirɛla mɔgɛnu nadon hakɛ rɔ fanan.

1 Mansɛnu 16:26

A ara Isirɛlata Mari Alla ladiminya bawo a ara hakɛ kɛ ka Isirɛla mɔgɛnu nadon hakɛ rɔ katarala bɛsi-kɔ-koe ma iko Mansa Yɛrabowami ya a ma nya min nun.

2 Mansɛnu 19:16

Kɔnɔ Mari, i kolan maka. I ni a yen min bi sigila ma ma. E, Alla-nimɛ, i wɔlɔ matɔlɔ i masɔrɔn-kan la Sɛnakaribu bolo.

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

Yaburi 115:15

Mari min ya san-kole anubɛ dugu-kole dan, alamɛ ata duwɛ tora yigila wo kuma.

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 31:6

Minnu bi bɛsɛnu kɔla, wonu gbo n ye kosɛbɛ! Nde lanɛ ile Mari le la.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 32:17

“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

Yɛrɛmaya 51:15

Mari ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko-nya-yen le la.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Yona 2:8

Minnuna ko sa i wara-koe rɔ tun, wonu denu bi bɛsi-fufafuyinu kɔla.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Kɛwɔlɛnu 10:26

Kɔnɔ Pita ya a bira. A ko, “I lasɔ bawo mɔgɔni-gbuyi le nde la dɔrɔn.”

Kɛwɔlɛnu 13:32

“Ma ara na kibara-nyimɛ wo la wo ye. Alla ya lanyiri min kiri ma benbanu ye,

Kɛwɔlɛnu 14:21

Anu ya Yisata kibara-nyimɛ kawandili bɔ Dabi soe burɔ ka karan-den siyaman sɔrɔn. Wo kɔma, anu sɛgira Lisitira soe burɔ anubɛ Aikoniyam anubɛ Paisidiya-Antiyaki soenu burɔ.

Kɛwɔlɛnu 16:30

A ya anu nabɔ yele burɔ ka anu manyinika ko, “N fanu, n si nfen ma alako n ni kisi?”

Kɛwɔlɛnu 27:10

a ko, “N fanu, n bara a yen ko ka a dabira yan ma, mala yi-kuma-ta-koe si ma masiba-wɛ la. Ma si bɔnɛ siyaman sɔrɔn. Dunɛ min bi kulɔn burɔ anubɛ kulun-nyɛrɛ si na tinya. Tumado mɔgɛ donu si foo anu niyi la fanan.”

Kɛwɔlɛnu 27:21

A ya wati siyaman bɔ, mɔgɛnu ma fen dɔn. Woletɔ Pɔli sɔra anu tɛma, a ko, “N fanu, a fisa, wo ni wo tole masɔ n na nun ko ma kana bɔ Kariti nun. Ni ma ma bɔ nyɔ nun, ma ti tinyalɛ anubɛ bɔnɛ kɛ bɛɛ sɔrɔn nun.

Kɛwɔlɛnu 27:25

Woletɔ n fanu, wo ni wo wakila! N bara la Alla la ko koe bɛɛ si ma iko a fɔra n ye nya min.

Kɛwɔlɛnu 4:24

Anu ya wo lamɔɛn tumɛ min, anu dama ya anu nadɛn ka Alla matara ko, “N tigi Mari, ile le ya san-kole anubɛ dugu-kole dan hali kɔgɔ-yi anubɛ fan min bɛɛ ye wonu tɔ!

Kɛwɔlɛnu 7:26

Wo banda kɛ, a ya Isirɛla mɔgɔ fila yen kɛlɛla. A ya a raya ka kɛlɛ ban anu tɛma. A ko, ‘N bɔnu, wo ni wo tole masɔ. Na-kelen-nyɔgɛ le wole la. Nfenna wo ye ko-yogomɛ kɛla wo nyɔgɔn na?’

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 5:26

Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Yemesi 5:17

Nɛbi Ilaya, mɔgɛ le nun iko male. A ya Alla matara a yisi bɛɛ la ko bandɛ kana na. Bandɛ ma na dugu-kole kuma san sawa ani a tala.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

Lankɛnimayɛ 14:7

A ya a fɔ a kulu-mayɛlɛnɛ la ko, “Wo ni kilan Alla la ka a tanto ata gbiliyɛla ko la dɛɛ, ado mɔgɛnu-kiti-wati ara ke a bolo. Nba, wo ni wo nyɛnkin Alla kɔrɔ ka a bato. Wo ni ale Alla tanto, min ya san-kole anubɛ dugu-kole anubɛ kɔgɔ-yi anubɛ tenke bɛɛ dan!”

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 19:19

Wo kɔma, n ya sogo-feremɛ wo yen anubɛ duninya-mansɛnu anubɛ anuna kɛlɛ-dannu. Ale min siginɛ so-gbɛmɛ wo kuma anubɛ ata kɛlɛ-dannu, anu nadɛnnɛ wonu kɛlɛ koe la.

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”

1 Samuwɛli 12:21

Wo kana wo nyɛrɛ don bɛsi-kɔ-koenu tɔ. Wonu ti ke wo dɛnbɛna, hali ka wo lakisi bawo tonya sa anu bara-koe rɔ.

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.