Kɛwɔlɛnu 14:1 - ALLALA KUMƐ

¹ Pɔli anubɛ Banabasi tara kawandili bɔ Yahudiya-dina-bɔn la Aikoniyam soe burɔ iko anu ya a ma Antiyaki soe burɔ nya min. Anuna kumɛ ya a ma, Yahudiya-nyama-ba anubɛ sibolo-gbɛrɛnu dɛnkɛninyara.

Kɛwɔlɛnu 14:1 ပူးပေါင်းရင်းမြစ်များ

Maraka 7:26

Musi wo, sibolo-gbɛrɛ le min sɔrɔnta Finisiya sigisɔn rɔ Siriya nyamanɛ rɔ. A ya Yisa madiya ko a ni nyinɛ wo gben ala dunmusi fɛ.

Yɔni 12:20

Ladiyɛ kɛ wati rɔ, sibolo-gbɛrɛ donu bi anu tɛma nun minnu tara batoli-kɛ-tinɛ Yerusalɛm.

Yɔni 7:35

Yahudiyanuna kun-tiginu ya a fɔ anu nyɔgɔn ye ko, “A ye tala mintɔ, male ti a yen kan min? A si ta sibolo-gbɛrɛnu karan anuna soenu tɔ mala mɔgɛnu siginɛ kan min?

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 13:43

Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 13:5

Anu ke Salamisi soe burɔ, anu ya Allala kumɛ fɔ anu ye Yahudiya-dina-bɔnnu na. Yɔni-Maraka tara anu fɛ ka anu dɛnbɛ.

Kɛwɔlɛnu 13:51

Pɔli anubɛ Banabasi ya anu kian ragbɔngbɔn alako wo ni ma sereyɛ la anu kan ma. Wo kɔma, anu tara Aikoniyam soe burɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 14:21

Anu ya Yisata kibara-nyimɛ kawandili bɔ Dabi soe burɔ ka karan-den siyaman sɔrɔn. Wo kɔma, anu sɛgira Lisitira soe burɔ anubɛ Aikoniyam anubɛ Paisidiya-Antiyaki soenu burɔ.

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

Kɛwɔlɛnu 16:2

Marita mɔgɛ min bɛɛ siginɛ Lisitira anubɛ Aikoniyam soenu tɔ, wo bɛɛ ya Timoti tɔgɔ-nyimɛ fɔ.

Kɛwɔlɛnu 17:12

Anu siyaman dɛnkɛninyara. Kiriki-musu-tɔgɔlamɛ siyaman anubɛ Kiriki-kei siyaman fanan dɛnkɛninyara.

Kɛwɔlɛnu 17:17

Yahudiyanu anubɛ sibolo-gbɛrɛ minnu bi Alla batola anu nyɔgɔn fɛ nyɔ, Pɔli kumara anu ye anuna dina-bɔn la. Tele-wo-tele, min bɛɛ nara barɛ rɔ, a kumara wonu fanan ye.

Kɛwɔlɛnu 17:4

Yahudiya donu lara kumɛ wo la, woletɔ anu kofura Pɔli anubɛ Sailasi ma. Kiriki minnu bi Alla batola, wo siyaman dɛnkɛninyara anubɛ musu-tɔgɔlamɛ siyaman.

Kɛwɔlɛnu 18:4

Sulen-Tele bɛɛ ma, a kumara Yahudiya-dina-bɔn la ka a raya ko Yahudiyanubɛ sibolo-gbɛrɛnu ni yɛlɛma ka ma dɛnkɛninya-mɔgɛnu na.

Kɛwɔlɛnu 18:8

Yahudiyanuna dina-bon-kun-tigi Karisipa, wonubɛ ala denbayɛ bɛɛ dɛnkɛninyara Mari ma. Kɔrɛnti kɛ siyaman ya Allala kumɛ lamɔɛn. Anu siyaman dɛnkɛninyara ka batasi.

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 19:17

Yahudiyanu anubɛ sibolo-gbɛrɛ minnu siginɛ Ɛfɛsa soe burɔ, wonu ya kɛ lamɔɛn tumɛ min, anu dama kilanta bɛrɛkɛ! Anu ya Mari Yisa tɔgɛ gbiliya bɛrɛkɛ!

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

Kɛwɔlɛnu 9:20

Wo kɔma, a wulita ka ta Yahudiya-dina-bɔnnu na Yisala koe fɔ tinɛ anu ye. A ko Yisa le Allatalata dan la.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

Kalesiya 2:3

N ta-nyɔgɛ Taita, Kiriki le wo la kɔnɔ hali wo, chɔchi-kunyɛnu ma a fɔrɔsɛ kemininya-koe ma anuna tɔn fɛ.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,