Kɛwɔlɛnu 13:43 - ALLALA KUMƐ

⁴³ Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 13:43 ပူးပေါင်းရင်းမြစ်များ

Matiyu 23:15

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ-kelen-bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la!

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 17:17

Yahudiyanu anubɛ sibolo-gbɛrɛ minnu bi Alla batola anu nyɔgɔn fɛ nyɔ, Pɔli kumara anu ye anuna dina-bɔn la. Tele-wo-tele, min bɛɛ nara barɛ rɔ, a kumara wonu fanan ye.

Kɛwɔlɛnu 17:34

ado mɔgɛ donu kofura a ma ka dɛnkɛninya Yisa ma. Atɛn soe kun-tigi-ba min tɔgɛ Diyonisi, wo ye anu tɛma anubɛ musi min tɔgɛ Damarisi anubɛ mɔgɔ-gbɛrɛkɛnu fanan.

Kɛwɔlɛnu 17:4

Yahudiya donu lara kumɛ wo la, woletɔ anu kofura Pɔli anubɛ Sailasi ma. Kiriki minnu bi Alla batola, wo siyaman dɛnkɛninyara anubɛ musu-tɔgɔlamɛ siyaman.

Kɛwɔlɛnu 18:7

Woletɔ a tara don sibolo-gbɛrɛ dola bɔn la min tɔgɛ Taita Yasita. Alla-batolɛ le wo la. Ala bɔn tugunnɛ Yahudiya-dina-bɔn la.

Kɛwɔlɛnu 2:10

Donu bɔra Parigiya anubɛ Pamfiliya nyamanɛnu tɔ. Donu bɔra Iyipiti anubɛ Libiya nyamanɛ min bi Sairini soe dafɛ. Donu bɔra Romu soe burɔ fanan.

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Romu 3:24

Bɛɛ ara telen Alla ye ata keninteya-wɛ baraka rɔ. Sanbɛ le wo la mɔgɔ ti ke min sanna. Ma bɛɛ si na hɔrɔya hakɛ bolo Yisa, Allata-Mɔgɔ-Yabɔnɛ baraka rɔ.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 5:21

Nba, iko hakɛ ya mansayɛ kɛ mɔgɛnu kuma nya min ka sayɛ lana anu ma kɔnɔ Allata hinɛ fanan ye mansayɛ kɛla mɔgɛnu kuma ka mɔgɛnu natelen a nyɛrɛ ye wo nya na le ka ma ladon habadan-nimayɛ rɔ ma Mari Yisa, Allata-Mɔgɔ-Yabɔnɛ baraka rɔ.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

Kalesiya 5:4

Wole minnu bi wo rayala ka telen Alla ye tɔn-birɛ fɛ, wo ara wotɛ bɔ Kirasiti wara-koe rɔ feu! Wo sa Allata hinɛ kɔrɔ tun.

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Filipai 3:16

Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

Taita 2:11

Alla ara ala hinɛ yira mɔgɛ bɛɛ la alako anu si kisi nya min.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.