Kɛwɔlɛnu 13:38 - ALLALA KUMƐ

^38-39 “Nba, n na-kelen-nyɔgɛnu, wo dama ni a lɔn serr, ko Yisa si ke wo hakɛnu makotola. Musata tɔnnu ti ke wo bɔla wola hakɛ-yɔɔnyɛ rɔ. Wo ni a lɔn ko min bɛɛ dɛnkɛninyanɛ Yisa ma, wonu bara hɔrɔya hakɛ bɛɛ ma.

Kɛwɔlɛnu 13:38 ပူးပေါင်းရင်းမြစ်များ

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 130:7

Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

Yaburi 32:1

Ale min hakɛ ma ara koto, mɔgɔ-sewanɛ le wo tigi la. Mɔgɔ-sewanɛ le wo tigi la min sɔn-yogomɛ yama ara togon.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Isikiyɛli 36:32

A sɔgɛ ye n na le, Isirɛla ni a lɔn ko n sa wo mala Isirɛla mɔgɛnu tɔgɛ la. A sɔgɛ ye n na le, anu ni yarabi ka miliya ka a tɛgɛ anu bi koe minnu kun na. Nde, anu Tigi Mari ara ban kɛ fɔla.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Kɛwɔlɛnu 10:43

Nɛbi bɛɛ ya ala koe fɔ ko mɔgɔ-wo-mɔgɔ wa dɛnkɛninya a ma, Alla si wo makoto a hakɛ ma ale tɔgɛ sɛnbɛ baraka rɔ.”

Kɛwɔlɛnu 2:14

Kumɛ wo ya a ma, Pita anubɛ a ta-nyɔgɔ kilaya tan-ni-kelannu ya anu nasɔ. Pita kumara nyama ye a kulu-mayɛlɛnɛ la. A ko, “N na-kelen-nyɔgɔ Yahudiyanu anubɛ wole Yerusalɛm-sigilɛ bɛɛ, wo ni wo tole masɔ n na. N bi min fɔla, wo ni wo wɔlɔ matɔlɔ wo la.

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Kɔlɔsi 1:14

Alla le ya ma hakɛ bɛɛ makoto Yisata sayɛ fɛ, min ya a ma, ma ara hɔrɔya.

Hiburunu 8:6

Kɔnɔ saraka-masɔ-wɔlɛ min dira Yisa ma, wo kolo doi wonutɛ ko pirr! Yisa ya sarama-kan-kurɛ min kiri Alla anubɛ mɔgɛnu tɛma, wo kolo a kɔrɔmɛ ko, ado sarama-kan-kurɛ kɛ kirinɛ fen-kɛndɛnuna ko la minnu bi ma yarɔ.

Hiburunu 9:22

Nba, fan bɛɛ ni sɛninya yele la iko tɔn ya a fɔ nya min, ado ni yele ma bɔ, hakɛ ma ti koto mumɛ!

1 Yɔni 2:12

N diyana-dannu, n bi do sɛbɛla wo ma bawo wo hakɛ ma ara koto Kirasiti tɔgɛla ko la.