Kɛwɔlɛnu 12:6 - ALLALA KUMƐ

⁶ A sɔgɛ ye Hɛrodi la ka Pita kiti mɔgɛnu yala tele min na, suyi wo rɔ, Pita kinɔgɔra a kandanna mɔgɔ filɛ tɛma, a kirinɛ yɔlɔkɔ fila la. Yele-bon-kandannɛnu sɔnɛ dɛ la.

Kɛwɔlɛnu 12:6 ပူးပေါင်းရင်းမြစ်များ

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

Yaburi 4:8

N ba n sa kinɔgɛ rɔ suyi rɔ, n si kinɔgɔ n fanbolo bawo ile Mari le kelen pe ye n matankala.

Yɛrɛmaya 40:1

Anu bi tala mabɛ Yerusalɛm anubɛ Yuda kɛ toenu na Babilɔn tumɛ min, mansɛla kɛlɛ-den-kunyɛ Nɛbusaradan ya yɔlɔkɛ kɛnɛ yen n ma mɔgɛ kɛnu tɛma. A ya nde boloka Rema soe burɔ, Mari kumara n ye kan min.

Yɛrɛmaya 40:4

Hali wo, n si yɔlɔkɛ bɔ i bole la bi ka i boloka. Ni a sɔgɛ ye i la ka ta n fɛ Babilɔn, n si i fɛ-bira. Ni ta-sɔgɔ sa i la, tana ma. Nyamanɛ kɛ kan-bo-kan diyara i ye, i si ta nyɔ.”

Matiyu 28:4

Nyɔ-kandannɛnu kilanta kati ka yɛrɛyɛrɛn. Anu mara iko mɔgɔ-faganɛnu.

Kɛwɔlɛnu 12:5

Pita sanɛ yele la tumɛ min, Mari Yisata mɔgɛnu ma fara Alla matarala a ye mumɛ!

Kɛwɔlɛnu 21:33

Kun-tigi-ba wo tara Pɔli bira tinɛ. A ya a fɔ ala kɛlɛ-dannu ye ko anu ni a kiri yɔlɔkɔ fila la. Wo kɔma, a ya nyinikalɛ kɛ ko, “Yon bi kɛ la? A ya nfen tinya?”

Kɛwɔlɛnu 28:20

wo le ya a to, n ya madiyali kɛ ko n ni wo yen ka kuma wo la. Male Isirɛla mɔgɛnu yigi sanɛ min kuma, yɔlɔkɛ kɛnu bi n ma wo lela ko la.”

Kɛwɔlɛnu 5:23

“Ma kera yele la tumɛ min, ma ya a dɛnu rasɔgɔnɛ taran a kin na, nyɔ-kandannɛnu sɔnɛ dɛnu na. Kɔnɔ ma ya dɛnu naka tumɛ min, ma ma mɔgɔ-wo-mɔgɔ yen a burɔ.”

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

2 Timoti 1:16

Alamɛ Mari kinikinita Onɛsiforala denbayɛ ma bawo a ya n sɛnbɛ don tuma siyaman. A ma miliya ko n bi yele la min kɛ.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”