Kɛwɔlɛnu 12:23 - ALLALA KUMƐ

²³ Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Kɛwɔlɛnu 12:23 ပူးပေါင်းရင်းမြစ်များ

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Yobu 19:26

Hali n fɛrɛ ara ban n ma kirayɛ bolo, hali n fɛrɛ sa n na, fɔ n ba Alla yen serr!

Yobu 7:5

Fenfen sa n fɛrɛ ma fɔ tunbi anubɛ yele-kɔnkɔlɔn. N fɛrɛ bɛɛ ra ara belenna farafarala. Nɛɛ ye bɔla a kan tinɛ bɛɛ rɔ.

Yaburi 115:1

Ka a tɛgɛ ila hinɛ anubɛ ila lanayɛ ma, gbiliyɛ bɛnta ile Mari ma, male ma de!

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 12:12

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 12:29

Mari ya den-kei-sarɛ bɛɛsi faga suyi tɛma Iyipiti nyamanɛ rɔ. Sayɛ ya a dabira ale mansɛla den-kei-sarɛ ma ha ka ta a sigi yelela-mɔgɛnuna den-kei-sarɛnu ma hali ka ke kolo-fannuna den fɔlɔtɛ bɛɛ ma, a keimɛnu, kɔni.

Bɔ-Koe-Iyipiti 9:17

Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Aiseya 14:11

Fɔlɔ nun, anu bi ale Babilɔn mansɛ gbiliyala bɔlon-kan la kɔnɔ a ye lakira le gbɛ! A sa-fan manɛ tunbinu denu na. Ala burun-kurɛ ye tɔnɔkɛnu denu na.

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Kɛwɔlɛnu 12:22

Anu ya wɔyɔ layɛlɛ ko, “Mɔgɔ sa kumala kɛ la fɔ Alla!”

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

1 Samuwɛli 25:38

Tele tan tenbinɛ, Mari ya a ma, kirayɛ wo ya a faga.