Kɛwɔlɛnu 12:20 - ALLALA KUMƐ

²⁰ Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.

Kɛwɔlɛnu 12:20 ပူးပေါင်းရင်းမြစ်များ

Ko-Dabirɛnu 10:15

Hamala den Kenan wo ya den mɔgɔ fila sɔrɔn, ala den-kei-sarɛ Sadon anubɛ Hɛti.

Ko-Dabirɛnu 10:19

Kenannuna nyamanɛ-dan le Saidon soe la. Anuna nyamanɛ wo tara ha ka ta ke Kirari soe ma min bi Kesa soe dafɛ. Anuna nyamanɛ-dan wo le tara furr, ha ka ta ke soe kɛnu ma, Sɔdɔm wo, Kɔmɔra wo, Adima wo, Sebom wo, anubɛ Lesi soenu ma.

2 Ko-Kɔrɔta-Karan 2:10

N si anuna kɔndɔn labɔ. N si fui-fan-subolo fila di ila kɔn-tɛgɛlɛnu ma. N si a subolo kelan bɔrɔ waga bi-loli ani bɔrɔ kɛmɛ fila (50,200) di anu ma. N si wo nyɔgɔn yirika di anu ma a su doi fanan tɔ. N si nɔnbɔ-gbɔ-yi durɔmu waga fila ani durɔmu kɛmɛ sawa (2,300) di anu ma ka Ɔlifi-tuli durɔmu waga fila ani durɔmu kɛmɛ sawa (2,300) di anu ma fanan.”

2 Ko-Kɔrɔta-Karan 2:15

Kaka, i wara n yili-madiya fui-fan anubɛ nɔnbɔ-gbɔ-yi anubɛ ɔlifi-tuli minnuna ko la kɛ la, i ni wonu nana n ma.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.

Makawandili Kumɛnu 10:4

Ni ila kun-tigi-fonde bɔra i kan ma, i ni a bira-i-rɔ. Nyɛrɛ-birɛ wo si a ma, ila ko-tinyanɛ wo bɔrɔ ni bɔ kun-tigi wo ye.

Isikiyɛli 27:17

Fui-fen wo, liyi wo, ɔlifi-tulu wo, anubɛ kɛnɛ wo, Isirɛla anubɛ Yuda kɛnu ya wonu felen Taya kɛnu ma.

Luka 16:8

“Kun-tigi-kensunte kɛ tigi ya a matɔgɔ halliyɛ-su wola ko la bawo duninya-kɛ-mɔgɛnu halliyanɛ anuna koenu tɔ ka tenbi wonu na minnu bi waantɛ la.”

Kɛwɔlɛnu 12:21

Wati wo kera tumɛ min, Hɛrodi ya ala mansaya-duruki don a kan na ka sigi ala mansaya-waganɛ rɔ. A kumara mɔgɛnu ye.

Kɛwɔlɛnu 21:3

Ma gbɛrɛnta yi-tɛma-dugi do ma min tɔgɛ Saiparasi. Ma ya wo to ma bolo-maran rɔ ka ta Siriya nyamanɛ rɔ. Ma sɔra Taya soe burɔ bawo anu bi dunɛnu nayigila nyɔ.

Kɛwɔlɛnu 21:7

Ma tora tala kulɔn rɔ ka bɔ Taya soe burɔ ka ta Polɛmeya soe burɔ. Ma ya Marita mɔgɛnu kɔndɔn nyɔ ka tele kelen bɔ anu fɛ.

Yasowa 19:29

Ka bɔ Saidon, dan wo le tara Rema soe ka ta ke ha Taya soe ma. A tara Hosa soe wara la ka ta a labila kɔgɔ-yi ma Akisibu soe da kɔrɔ.