Kɛwɔlɛnu 12:17 - ALLALA KUMƐ

¹⁷ A ya a bole sa a dɛ la ko anu kana kuma. Mari ya a labɔ yele la nya min, a ya wo bɛɛ rakaran anu ye. A ko, “Wo ni a fɔ Yemesi anubɛ ma na-kelen-nyɔgɔn toe bɛɛ ye min mara.” A bɔra ka ta kan-tina-gbɛrɛ.

Kɛwɔlɛnu 12:17 ပူးပေါင်းရင်းမြစ်များ

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Yaburi 66:16

Wole minnu si Alla gbiliya, wo na wo tole masɔ. A ara min kɛ n ye, n si wo rakaran wo ye.

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Maraka 6:3

Bon-tuwalɛ le ma kɛ la, Mariyamala dan, kɔni? Yemesi, Yusufu, Yudasi, anubɛ Saimon, a dɔgɔ-keminɛnu le wonu na. A dɔgɔ-musi bɛɛ siginɛ yan de!” Woletɔ a bɔrɔbɔnɛ anu bolo. Anu ma sɔn dɛnkɛninyala a ma.

Luka 1:22

A bɔra tumɛ min, a ma ke kumala anu ye. Woletɔ anu ya a lɔn ko a ara ko-rayirɛ do yen Alla-Bato-Bɔn la. A ya tamasere kɛ anu ye a bole la bawo a ma ke kumala.

Yɔni 10:40

Wo kɔma, Yisa tenbira Yorodan bɛ kɔma tun, Yɔni ya batasili kɛ kan min nun. A tora nyɔ.

Yɔni 11:54

Woletɔ Yisa ma tagama gbɛ rɔ Yudiya nyamanɛ rɔ tun kɔnɔ a wulita ka ta kan tinɛ do rɔ, soe do rɔ min tɔgɛ Ifɛrɛm wula-da-rakolɔn dafɛ. Anubɛ ala karan-dannu tora nyɔ.

Yɔni 13:24

Saimon Pita ya a yɛ keri wo ye ko, “A manyinika ni a ye min ma.”

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 12:16

Kɔnɔ Pita tora dɛ matugula dɛɛ! Tɔ-a-la, anu ya dɛ laka a ye. Anu ya a yen tumɛ min, anu kawara!

Kɛwɔlɛnu 12:18

Bandɛ kara tumɛ min, yele-makandannɛnu kɔndɔfilita dɔgɔma-ma-de! Anu ko, “Nfen bara ma Pita la?”

Kɛwɔlɛnu 13:16

Nba, Pɔli ya a sɔ ka a bole sa a dɛ la ko anu ni anu tole masɔ. A ya a fɔ anu ye ko, “Wole Isirɛla kɛnu anubɛ sibolo-gbɛrɛ minnu bi Alla batola yan, wo ni wo wɔlɔ matɔlɔ n kan la!

Kɛwɔlɛnu 15:13

Anu banta kumala tumɛ min, Yemesi ya a fɔ anu ye ko, “N na-kelen-nyɔgɛnu, wo ni wo wɔlɔ matɔlɔ!

Kɛwɔlɛnu 16:40

Pɔli anubɛ Sailasi bɔra yele la ka anu telen Lidiyala bɔn la. Anu ya Marita mɔgɛnu taran nyɔ. Anu ya anu makawandi ka anu sɛnbɛ don. Wo kɔma, anu bɔra nyɔ.

Kɛwɔlɛnu 19:33

Tɔ-a-la, mɔgɛ donu ko Alɛsanda le koe wo kunyɛ la bawo Yahudiyanu ya a sɔ anu yarɔ. Alɛsanda ya a bole sa a dɛ la ko mɔgɛnu ni anu sabari. A ya a raya ka a nyɛrɛ fɛka mɔgɛnu yala.

Kɛwɔlɛnu 21:18

Wo banda kɛ, mabɛ Pɔli tara Yemesi kɔndɔn tinɛ. Dɛnkɛninya-mɔgɔ-ba dama ladɛnnɛ nyɔ.

Kɛwɔlɛnu 21:40

Nba, kun-tigi-ba wo sɔnta. Woletɔ Pɔli sɔra yɛlɛ tinɛ kuma ka mɔgɛnu masabari a bole la. Anu ya anu masabari tumɛ min, Pɔli kumara anu ye anuna Yahudiya-kan rɔ.

Kɛwɔlɛnu 28:15

Marita mɔgɛ do minnu bi Romu soe burɔ, wonu ya ma wara-koe lamɔɛn tumɛ min, anu nara fɔ feri-kɛ-tinɛ min tɔgɛ Apiyai anubɛ Sundan-Yiya-Bon-Sawɛ ye kan min ka ma labɛn. Pɔli ya wonu yen tumɛ min, wo ya a sɛnbɛ don. A ya baraka bira Alla ye.

1 Kɔrɛnti 15:7

Wo kɔma, a bɔra gbɛ rɔ Yemesi anubɛ kilayɛ bɛɛ ye.

Kalesiya 1:19

N ma kilaya-gbɛrɛ yen fɔ Mari Yisa dɔgɛ Yemesi.

Kalesiya 2:12

Pita anubɛ ma na-kelen-nyɔgɔ dɛnkɛninya-mɔgɛ sibolo-gbɛrɛnu denu duruta fen-dɔn kɛla miran kelen tɔ nun. Kɔnɔ Yemesi ya mɔgɛ donu nana tumɛ min, a ya a bɔ wonu fɛ. A ma sɔn ka fen-dɔn anu fɛ tun bawo a kilanta Yahudiyanu na minnu ko fɔ sibolo-gbɛrɛnu ni kemininya iko anu denu.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.