Kɛwɔlɛnu 12:10 - ALLALA KUMƐ

¹⁰ Anu tenbira kandannɛ sigi tinɛ fɔlɔtɛ la, anubɛ a fila nyɔgɛnu. Nɛgɛ-dɛ min bi yele la nyɔ, anu kera wo ma tumɛ min, dɛ wo lakara a nyɛrɛ ma anu ye. Anu donta soe burɔ. Anu bi tagamana soe burɔ nkɛkuna, tiriyante wo rɔ, melika wo ya Pita boloka.

Kɛwɔlɛnu 12:10 ပူးပေါင်းရင်းမြစ်များ

Ko-Dabirɛnu 40:3

A ya anu nadon yele la Pɔtifala bɔn dafɛ Yusufu ye kun-tigiyɛ la kan min.

Ko-Dabirɛnu 42:17

A ya anu dama sa yele la. Tele fila anu bi nyɔ.

Aiseya 21:8

Wo kɔma, kila-mafɛlɛnnɛ ya a fɔ ko a sɔnɛ a gbɛ rɔ su-ni-tele.

Yilan-Yilan Koe 15:34

Kei kɛ biranɛ gbɛ anu bolo kɔnɔ anu ma a lɔn anu si a kiti tɛgɛ nya min. Woletɔ Musa ya Mari fanan manyinika.

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Kɛwɔlɛnu 12:4

Anu ya a sa yele la. Anu ya a don kɛlɛ-den mɔgɔ nani, sigi tina nani (16) bolo alako anu si a kandan nya min. A ye Hɛrodi kɔntɔ nun ko Kanan-Ko-Ladiyɛ wa ban, a ni ala kiti fɔ Yahudiyanu yala.

Kɛwɔlɛnu 16:26

Tiriyante wo rɔ, dugi yɛrɛyɛrɛnta bɛrɛkɛ ha yele-bon-kurukɛ tinɛ yɛrɛyɛrɛnta. Nba, yele-bɔn wo dɛnu nakara kelenna! Yɔlɔkɛnu buira ka bɔ yelela-mɔgɛ bɛɛ kian anubɛ anu bole ma.

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.