Kɛwɔlɛnu 11:28 - ALLALA KUMƐ

²⁸ Kelen bi anu tɛma min tɔgɛ Agabasi, wo ya a sɔ ka wɔlɔyiyɛ kɛ Allata Ni-Sɛnimɛ sɛnbɛ baraka rɔ ko kɔnkɔ-fitinɛ ye nala duninya bɛɛ rɔ. (Wo kɛra wo tumɛ Kaladiyasi ye Romu nyamanɛ kun-tigiyɛ la.)

Kɛwɔlɛnu 11:28 ပူးပေါင်းရင်းမြစ်များ

Ko-Dabirɛnu 41:38

Mansɛ ya a fɔ ala mɔgɔ-banu ye ko, “Ma si ke mɔgɔ-kɛndɛ-gbɛrɛkɛ sɔrɔnna Allata sɛnbɛ ye min tɔ iko Yusufu kɛ?”

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Luka 3:1

Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 21:10

Ma ya tele-dande kɛ nyɔ. Wonu tenbira, Nɛbi Agabasi nara ke nyɔ ka bɔ Yudiya nyamanɛ rɔ.