Kɛwɔlɛnu 11:24 - ALLALA KUMƐ

²⁴ Mɔgɔ-nyimɛ le Banabasi la. A fanɛ Allata Ni-Sɛnimɛ anubɛ dɛnkɛninyɛ la, woletɔ mɔgɔ siyaman mara Maritɛ la nyɔ.

Kɛwɔlɛnu 11:24 ပူးပေါင်းရင်းမြစ်များ

2 Samuwɛli 18:27

So-makandannɛ min sɔnɛ tarɛ kuma, wo ya a fɔ ko, “Yarɔ mɔgɛ wo buri-kɛ-bole manɛ de iko Ahimahasi.” Mansɛ ko worɔ, “Nba, mɔgɔ-hakikɛ le wo la. A ye nala kuma-nyimɛ le la wo la.”

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Yaburi 37:23

Mari si mɔgɔ kunyɛ telen kila-nyimɛ la. Minnu bi a sako kɛla, a si wonu nakanan.

Hɛnkilimaya-Kumɛnu 12:2

Mari diyana-mɔgɛ le mɔgɔ-nyimɛ la kɔnɔ a si yanfante tɔrɔ.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 14:14

Mɔgɔ-yogomɛ si atɛ sɔrɔn ka a tɛgɛ ata ko-yogoma-kɛ ma kɔnɔ mɔgɔ-nyimɛ si a sarɛ sɔrɔn ala ko-nyima-kɛ rɔ.

Matiyu 12:35

Mɔgɔ-nyimɛ si ko-nyimɛ labɔ ata nyimayɛ rɔ. Sɔn-yogoma-tigi si ko-yogomɛ labɔ ata sɔn-yogomɛ rɔ.

Matiyu 19:17

Yisa ya a yabi ko, “Nfenna i ye n manyinikala ko-nyimɛ wara-koe la? Alla kelen pe si ko-nyimɛ kɛ. Ni i ye a fɛ ka habadan-nimayɛ sɔrɔn, i ni to tɔnnu birala.”

Luka 23:50

Kei do ye nyɔ min tɔgɛ Yusufu ka bɔ Yahudiyanuna soe do rɔ min tɔgɛ Arimatiya. Mɔgɔ-nyimɛ le kei wo la, ado Yahudiya mɔgɔ-ba do le. A ye Allala mansaya-na-koe makɔnɔna. Hali mɔgɔ-ba le ale la, a ma sɔn anuna ko-latɛgɛnɛ anubɛ anuna kɛwɔlɛnu ma.

Yɔni 7:12

Nyama wo ye sɔsɔli sala anu nyɔgɔn tɛma wɛwɛ-kumɛ rɔ. Donu ko, “Mɔgɔ-nyimɛ le.” Donu ko, “Ade, yanfante le dɔrɔn.”

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Kɛwɔlɛnu 5:14

Keinubɛ musi min bɛɛ dɛnkɛninyara Mari ma, wonu tora kofula anu ma dɛɛ!

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 6:8

Nba, Allata duwɛ yigira Sitifen kuma bɛrɛkɛ! Sɛnbɛ ye a bolo Alla wara la. A ya tamasere-wɛnu anubɛ kabana-koenu kɛ mɔgɛnu tɛma.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 15:15

Kɔnɔ kɛdi kɛ rɔ, Alla ara n yisi ragbɛlɛya ka wo hɛnkili bila koe donu ko. Ka ma Kirasiti Yisala wɔli-kɛlɛ la sibolo-gbɛrɛnu ye, Alla ya wo fɛrɛ di n ma. N tenbi Allala kibara-nyimɛ-kawandili bɔla, n bi saraka-masɔ-wɔlɛ le kɛla. N ya wo ma le alako sibolo-gbɛrɛnu ni ma kɔ-fen-nyimɛ la Alla ye. Anu sɛninyanɛ a yala ata Ni-Sɛnimɛ baraka rɔ.

Romu 5:7

Ko mɔgɔ do ni faga mɔgɔ-gbɛrɛ ye, wo gbɛlɛ de! Kɔnɔ tumado, do si a wakila ka faga mɔgɔ-nyimɛla ko la.