Kɛwɔlɛnu 11:23 - ALLALA KUMƐ

²³ A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 11:23 ပူးပေါင်းရင်းမြစ်များ

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Hɛnkilimaya-Kumɛnu 23:15

Nna den, ni i mara hɛnkilimɛ la, wo si a ma, n ni sewa.

Hɛnkilimaya-Kumɛnu 23:28

A si i makɔni kilɛ la iko kankan. A si a ma, anu ba bila ale musi-yɛlan wo fɛ, kei-siyaman ni lanayɛ tinya anuna musinu bara la.

Daniyɛli 1:8

Daniyɛli ya a latɛgɛ a nyɛrɛ ma ko a ti a nyɛrɛ latinya mansɛla dɔn-fan wonu dɔn tinɛ. Woletɔ a ya anu karan-mɔgɔ Asipinasi madiya alako ale kana mansɛla dɔn-fan dɔn anubɛ ka ala baan min.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Maraka 2:5

Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i hakɛnu ma ara koto.”

Yɔni 15:4

Wo ni to nde rɔ, nde fanan si to wole rɔ. Ni wo ma to nde rɔ, wo ti ke gbɔla. Wo si ma iko bolɔn min tugunni ma kɔlɔma-kuri la, wo sa gbɔla nya min.

Kɛwɔlɛnu 13:43

Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 14:26

Anu donta kulɔn rɔ nyɔ ka sɛgi Antiyaki soe burɔ, anu dantɛgɛra Allala hinɛ rɔ kan min nun, ado anu bara wɔlɛ wo dafa feu!

Kɛwɔlɛnu 15:40

Marita mɔgɛnu ya Pɔli dantɛgɛ Allata hinɛ ma. Wo kɔma, ale ya Sailasi yabɔ. Anu tara anu nyɔgɔn fɛ.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:32

“Nba kaka, n bara wo dantɛgɛ Alla ma. Wo yili ni to ala hina-kumɛ ko min si ke wo sɛnbɛ donna ka ata duwɛ di wo ma, ado a ara duwɛ wo lamara ala mɔgɛ bɛɛ ye.

Kɛwɔlɛnu 4:36

Lifayi bɔnsɔn-mɔgɛ do ye nyɔ nun min sɔrɔnta yi-tɛma-dugi do rɔ min tɔgɛ Saiparasi. A tɔgɛ Yusufu. Yisata kilayɛnu ya a kele ko Banabasi. (Tɔgɛ wo kɔrɛ le ko, “Min si mɔgɛ yisi-kimɛ.”)

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 1:17

N bi min mala, wole ya a lɔn ko n ti ke n miriya wo latɛgɛla, wa? Wo ya n lɔn nagan-fila-tigi la nun alako n si donu hɛnɛ nya min, wa?

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 23:8

Kɔnɔ wo ni bila wota Mari Alla fɛ iko wo ya a ma nya min fɔlɔ ha kaka!

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.