Kɛwɔlɛnu 11:22 - ALLALA KUMƐ

²² Koe wo mankan kera Mari Yisata mɔgɛnu ma Yerusalɛm. Woletɔ anu ya Banabasi lata Antiyaki.

Kɛwɔlɛnu 11:22 ပူးပေါင်းရင်းမြစ်များ

Kɛwɔlɛnu 11:1

Kilayɛnu anubɛ dɛnkɛninya-mɔgɛ minnu bi Yudiya fan bɛɛ, wonu ya a lamɔɛn ko sibolo-gbɛrɛnu fanan bara Allala kumɛ rabira.

Kɛwɔlɛnu 11:19

Dɛnkɛninya-mɔgɛnu ya tɔrɔyɛ min sɔrɔn Sitifen sayɛ kɔma, wo ya a ma, anu nyɛnsɛnta. Donu tara fɔɔ Finisiya anubɛ Saiparasi nyamanɛnu tɔ anubɛ soe min tɔgɛ Antiyaki ka Allala kumɛ fɔ Yahudiyanu dɔrɔn ye.

Kɛwɔlɛnu 11:20

Kɔnɔ minnu dɛnkɛninyanɛ Saiparasi anubɛ Sairini soenu burɔ, wo donu tara Antiyaki ka Mari Yisata kibara-nyima-kawandili bɔ sibolo-gbɛrɛnu ye.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Kɛwɔlɛnu 11:27

Wo wati rɔ, nɛbi donu bɔra Yerusalɛm soe burɔ ka ta Antiyaki.

Kɛwɔlɛnu 15:2

Kɛ mara sɔsɔli-belebele la Pɔli anubɛ Banabasi anubɛ mɔgɔ wonu tɛma. Woletɔ anu ya a latɛgɛ ko Pɔli wo, Banabasi wo, anubɛ Antiyaki kɛ donu ni ta Yerusalɛm alako Yisata kilayɛnu anubɛ nyɔ-mɔgɔ-banu ni anu kun nayigi kumɛ kɛla ko la.

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 18:22

A kera Sɛsariya tumɛ min, a ya dɛnkɛninya-mɔgɛnu kɔndɔn. Wo kɔma, a tara Antiyaki soe burɔ tun.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 8:14

Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Kɛwɔlɛnu 9:27

Nba, Banabasi nara a dɛnbɛn tinɛ ka ta a la Marita kilayɛnu bara. Sɔli ya Mari yen kilɛ la nya min anubɛ Mari ya min fɔ a ye, a ya wo bɛɛ rakaran anu ye. Sɔli ya kawandili bɔ yisi-latɛgɛ rɔ nya min Yisa tɔgɛ rɔ Damasika, a ya wo fanan takaran anu ye.

Kalesiya 2:11

Pita nara Antiyaki tumɛ min, n ya a makuma dɛnkɛninya-mɔgɛnu yala bawo a ma ko-telennɛ kɛ.

1 Tɛsalonaika 3:6

Dɛnkɛninyɛ ye wo bolo nya min wo, keninteyɛ ye wo bolo nya min wo, Timoti ara na wo lake ma ma. A ara a fɔ ma ye ko miriya-nyimɛ ye wo bolo ka a bɛn ma ma, ado iko ma yen-sɔgɛ ye wo la nya min, wo yen-sɔgɛ ye male fanan na wo nya na le.