Kɛwɔlɛnu 11:21 - ALLALA KUMƐ

²¹ Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 11:21 ပူးပေါင်းရင်းမြစ်များ

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Ɛsira 8:18

Kilayɛ wonu ke, anu ya kei kelen don ma bolo mata Alla baraka rɔ min ya ata wɔlɛ lɔn. Wo tɔgɛ le Sɛrɛbaya. Lifayi bɔnsɔn-mɔgɛ le ale la ka bɔ Mehali bɔnsɔn rɔ. Ala den-kei anubɛ a na-kelen-nyɔgɛnu bilara a fɛ. Anu yatɛ bɛnta mɔgɔ tan-ni-segin ma.

Nihɛmaya 2:18

Wo kɔma, Alla ye n fɛ nya min wo, a ya n dɛnbɛ nya min wo, mansɛ ya min bɛɛ fɔ n ye wo, n ya wo dantɛgɛlɛ sa anu ye. Anu dama ko, “Awa, ma ni wɔlɛ dabira wona.” Anu ya anu mabɛn ka wɔlɛ dabira min si na Alla hɛnɛ.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 59:1

Wo kana wo miri ko Mari rafaganɛ wo lakanan-koe la. Wo kana wo miri ko a wɔlɔ-gbereni de, a sa wo kan namɔɛnna.

Luka 1:66

Min bɛɛ ya a lamɔɛn, wonu ya anu miri wo ma ka nyinikalɛ sa ko, “Dennɛ kɛ si na ma nfen na?” Tonyɛ le, bɛɛ ya a lɔn ko Marita sɛnbɛ ye a fɛ.

Kɛwɔlɛnu 11:24

Mɔgɔ-nyimɛ le Banabasi la. A fanɛ Allata Ni-Sɛnimɛ anubɛ dɛnkɛninyɛ la, woletɔ mɔgɔ siyaman mara Maritɛ la nyɔ.

Kɛwɔlɛnu 15:19

Yemesi tora kumala, a ko, “Nta miriya rɔ, sibolo-gbɛrɛ minnu bara anu yɛ lamunun Alla la, ma kana wonu tɔrɔ kemininya-koe la.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 4:4

Kɔnɔ minnu ya anuna makawandili-kumɛ wo lamɔɛn, wo siyaman dɛnkɛninyara, ado anu damasi lakofunɛ mara a keima waga loli nyɔgɔn (5,000) na.

Kɛwɔlɛnu 5:14

Keinubɛ musi min bɛɛ dɛnkɛninyara Mari ma, wonu tora kofula anu ma dɛɛ!

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Kɛwɔlɛnu 9:35

Lida anubɛ Sarɔn kɛnu ya ale Eniyasi kɛndɛ yen tumɛ min, anu dɛnkɛninyara Mari ma ka ma ata mɔgɛnu na.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.