Kɛwɔlɛnu 1:4 - ALLALA KUMƐ

⁴ Anu nadɛnta fen dɔn tinɛ tumɛ min, a ya a fɔ anu ye ko a ya kɔ-fan minna ko fɔ anu ye, anu kana bɔ Yerusalɛm ha anu ni wo sɔrɔn, ado anu Fa Alla ya lanyiri kiri kɔ-fan wo di-koe ma anu ma nun.

Kɛwɔlɛnu 1:4 ပူးပေါင်းရင်းမြစ်များ

Matiyu 10:20

bawo wo ye min fɔla, wota kuma ma wonu na. Kumɛ wonu bi bɔla wo Fa Allala Ni-Sɛnimɛ le bolo min bi kumala wo rɔ.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Luka 12:12

Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”

Luka 24:49

N fa ya lanyiri kiri min na, nde nyɛrɛ si wo lana wo ma. Kɔnɔ wo ni to Yerusalɛm fɔlɔn ha sɛnbɛ wo ni na ka bɔ san ma ka yigi wo kuma.”

Yɔni 14:16

N si n Fa Alla matara. A si dɛnbɛnɛ-kɛlɛ-dogbɛrɛ lana, Allala Ni-Sɛnimɛ, kɔni, ado a si to wo fɛ habadan! A si Alla wara-koe lagbɛ wo ye. Dɛnkɛninyabɛlɛnu ti ke a sɔrɔnna bawo anu ti ke a yenna, ado anu ti ke a lɔnna lefan! Kɔnɔ wole ya a lɔn bawo a ye wo rɔ, ado a siginɛ si to wo yisi rɔ.

Yɔni 15:26

“Dɛnbɛnɛ-kɛlɛ-dogbɛrɛ si na ka bɔ n Fa Alla warɛ, Allata Ni-Sɛnimɛ, kɔni. Wo le si tonyɛ lagbɛ wo ye Alla wara-koe rɔ. N si a sɔ ka bɔ n Fa Alla warɛ. Nba, a si nde fanan wara-koe fɔ wo ye.

Yɔni 20:22

A ya kɛ fɔ tumɛ min, a ya a niyi lafɛ anu kuma. A ko, “Wo ni Allala Ni-Sɛnimɛ sɔrɔn.

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Kɛwɔlɛnu 10:41

Bɛɛ ma a yen nun fɔ Alla ara ban male minnu yabɔla nun, ko ma ni ma a sereyɛnu na. Alla ya a lawuli tumɛ min ka bɔ furinu tɛma, male le ya fen-dɔn-kɛ a fɛ.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.